7:61  61  CONTRE  LES  ANABAPTISTES.  62  pons  que  le  semblable  se  peut  dire  de  la  circoncision.  Et  neantmoins,  Dieu  n'a  pas  laisse  de  commander  que  les  petis  enfans  fussent  circoncis.  Pourtant  c'est  arguer  contre  Dieu,  d'alleguer  que  cela  contrevienne  a  raison,  qu'un  Sacrement,  qui  est  tesmoignage  de  repentance  et  de  salut,  soit  communique  aux  petis  enfans.  Qu'est-il  donc  de  dire?  Certes,  si  nous  tenons  pour  bon  ce  que  Dieu  a  faict,  nous  avons  une  doctrine  qu'il  n'est  pas  mestier  que  la  verite,  laquelle  est  signifiee  en  un  Sacrement,  precede  tousiours:  mais  qu'il  suffit  quelque  foys  qu'elle  suive,  pour  le  moins  en  partie.  Car  le  renouvellement  de  vie  estoit  bien  signifie  par  la  circoncision,  et  semblablement  la  iustice  que  nous  obtenons  par  foy.  Ne  la  repentance,  ne  [page  25]  la  foy  n'estoyent  pas  en  un  petit  enfant.  Mais  pour  cela  il  ne  laissoit  d'estre  capable  de  recevoir  le  Sacrement.  Voyla  donc  comme  le  signe  precedoit  sa  verite.  Si  cela  a  este  licite  autrefoys,  et  conforme  a  la  raison,  pourquoy  est-ce  que  maintenant  il  seroit  repugnant?  Mais  quelcun  repliquera  que  ce  n'est  pas  le  tout  d'alleguer  que  le  semblable  se  soit  faict,  sinon  qu'on  monstre  qu'il  se  doyve  faire  encore  a  present.  Ie  le  confesse,  et  n'entens  pas  de  faire  instance,  qu'on  recoyve  le  Baptesme  des  petis  enfans  pour  bon,  que  io  n'aye  monstre  que  la  volonte  de  Dieu  est  telle.  Mais  retenons  1)  cependant  ce  que  i'ay  desia  prouve,  que  c'est  disputer  contre  Dieu,  de  vouloir  que  la  verite  aille  tousiours  devant  le  signe.  Quand  au  reste  nous  avons  a  prouver  que  c'est  selon  la  parolle  de  Dieu  que  nous  baptisons  les  petis  enfans.  Ce  qui  sera  facile  a  chacun  de  comprendre,  sans  faire  long  procez:  si  nous  congnoissons  la  grace  que  nostre  Seigneur  Iesus  nous  a  faict  a  son  advenement.  Au  paravant  Dieu  promettoit  aux  Iuifz  d'estre  le  Dieu  de  leurs  enfans:  et  en  tesmoignage  de  cela  les  marquoit  du  Sacrement  de  son  alliance.  Maintenant,  comme  dict  sainct  Paul  (Rom.  15,  8.  9),  le  Seigneur  Iesus  est  venu  pour  ratifier  les  promesses  [page  26]  faictes  aux  Iuifz  et  pour  espandre  par  tout  le  monde  la  misericorde  de  Dieu.  Voire  comme  ii  le  note  en  un  autre  passage  (Ephes.  2,  14),  rompant  la  paroy  qui  estoit  entre-deux  pour  separer  les  uns  d'avec  les  autres:  afin  qu'il  n'y  ait  plus  de  difference,  mais  que  nous  tous  ensemble  ayons  un  mesme  privilege  d'estre  enfans  de  Dieu.  Pourtant  quiconque  veut  faire  la  grace  de  Dieu  moindre  envers  nous  et  noz  enfans,  qu'elle  n'a  este  vers  le  peuple  Iudaique,  fait  une  grande  iniure  a  Iesus  Christ,  et  le  blaspheme.  Mais  quelcun  pourra  dire  que  ce  n'est  pas  amoindrir  la  grace  de  Dieu  envers  nous,  de  ne  pas  recevoir  les  enfans  au  Baptesme,  moyennant  qu'on  1)  tenons  1611  (teneamus).