58:61  61  DE  IACOB  ET  ESAU.  puissions  pas  entrer  iusques  la,  de  savoir  lesquels  ont  este  eleus  avant  la  creation  du  monde:  toutesfois  entant  que  besoin  sera,  nostre  election  nous  sera  testifiee  :  car  si  Dieu  en  retient  les  protocoles  (comme  on  dit)  devers  soy,  ce  n'est  pas  qu'il  ne  nous  en  donne  tesmoignage,  tel  que  nous  puissions  estre  asseurez  qu'il  nous  est  et  sera  Pere  iusques  a  la  fin:  et  que  nous  l'invoquions  sur  ceste  fiance-la.  Car  il  n'est  pas  ici  dit,  encore  qu'il  y  ait  eu  vocation  (comme  la  saincte  Escriture  parle),  c'est  a  dire  qu'il  ait  declare  a  Iacob  qu'il  l'avoit  eleu.  Cela  viendra  avecques  le  temps:  mais  tout  simplement  il  est  dit,  que  Dieu  a  monstre  comme  a  veue  d'oeil,  que  la  response  qu'il  avoit  donnee  a  Rebecca,  n'estoit  point  frivole.  Pourquoy?  L'effect  en  est  apparu,  en  ce  que  Iacob  a  tenu  le  talon  de  son  frere.  Or  cependant,  sous  ceste  figure  Dieu  a  voulu  monstrer  que  ses  eleus  ne  parvienent  pas  a  leur  fin,  sans  beaucoup  de  combats.  Il  est  vray  que  Iacob  n'a  point  cognu  que  cela  vouloit  dire,  et  l'aage  aussi  ne  le  portoit  pas:  mais  ceci  toutefois  nous  doit  servir,  et  nous  est  propose  comme  pour  nous  declarer  que  Dieu  veut  que  nous  bataillions,  combien  qu'il  nous  ait  prins  en  garde,  combien  que  nous  soions  en  sa  conduite,  et  que  nous  esperions  salut  de  lui,  et  que  ce  qu'il  a  commence  s'accomplira.  Combien  doncques  que  tout  cela  soit  vray,  si  est-ce  qu'il  ne  veut  pas  que  nous  soions  oisifs:  mais  il  requiert  que  un  chacun  de  nous  s'efforce  afin  que  par  ce  moien  nous  soions  menez  a  la  fin  a  laquelle  il  nous  appelle.  Voila  donc  ce  que  nous  avons  a  retenir  de  ce  que  Moise  recite  que  Iacob  a  tenu  le  talon  de  son  frere.  Or  il  adiouste,  Que  Vaine  a  eu  nom  Esau,  et  l'autre  a  eu  nom  Iacob.  Quand  au  second,  c'est  comme  si  on  l'eust  appele  Talonnier.  Or  d'Esau,  il  est  dit  que  il  vient  tout  velu  du  ventre  de  sa  mere,  et  qu'il  est  comme  un  homme  forme.  Voila  aussi  a  quoy  se  rapporte  son  nom.  Nous  voions  donc  la  difference  qui  est  entre  ces  deux:  C'est,  qu'on  eust  dit  qu'Esau  devoit  estre  plus  avance  beaucoup,  que  son  frere:  car  le  voila  tout  faconne,  il  est  robuste,  il  monstre  grande  vigueur:  bref,  que  ce  n'est  pas  comme  un  enfant,  mais  il  est  quasi  homme.  Or  de  Iacob,  il  n'a  autre  chose  sinon  la  main  qui  tient  le  talon,  mais  il  est  la  comme  un  avorton  :  et  quand  ils  grandissent,  autant  est-il.  Car  Esau  est  homme  chasseur,  et  homme  de  travail:  on  diroit  qu'il  n'y  a  que  vertu.  De  Iacob,  il  est  vray  que  le  nom  dont  use  Moise,  se  prend  en  bonne  part,  et  signifie  entier:  mais  tant  y  a  que  c'est  une  simplicite  qui  s'oppose  a  tout  ce  qui  estoit  plus  apparent  en  Esau:  et  de-fait,  Moise  adiouste,  qu'il  gardoit  la  maison,  qu'il  estoit  la  comme  un