56:61  61  GENESE.  62  Menez-la  dehors,  et  qu'elle  soit  bruslee.  25.  Et  comme  on  la  menoit,  elle  envoya  a  son  beau-pere,  disant,  Ie  suis  enceinte  de  l'homme  auquel  appartieneut  ces  choses.  Si  dit,  Regarde,  ie  te  prie,  a  qui  sont  l'anneau,  les  bracelets,  et  le  baston.  26.  Adonc  Iuda  le  cognut,  et  dit,  Elle  est  plus  iuste  que  moy:  car  ie  ne  l'ay  point  donnee  a  Sela  mon  fils.  Et  il  ne  la  cognut  plus.  27.  Au  temps  qu'elle  devoit  enfanter,  deux  enfans  furent  trouvez  en  son  ventre.  28.  Et  quand  elle  enfantoit,  l'un  bailloit  la  main,  et  la  sage  femme  la  prit,  et  lia  sur  sa  main  de  l'escarlate,  disant,  Cestuy-ci  sortira  le  premier.  29.  Quand  il  eut  retire  sa  main,  lors  voici  son  frere  qui  sort:  et  elle  dit,  Pourquoy  as-tu  fait  irruption  sur  toy?  Et  son  nom  fut  appele  Pharez.  30.  Apres  sortit  son  frere  qui  avoit  sur  sa  main  l'escarlate,  et  son  nom  fut  appele  Zara.  Chapitre  XXXIX.  1.  Quand  Ioseph  fut  descendu  en  Egypte,  Putiphar  l'Eunuque  de  Pharao,  prevost  des  mareschaux,  homme  Egyptien,  l'acheta  de  la  main  des  Ismaelitas,  lesquels  l'avoyent  fait  la  descendre.  2.  Et  l'Eternel  estoit  avec  Ioseph:  ainsi  il  fut  homme  prosperant,  et  estoit  en  la  maison  de  son  maistre  Egyptien.  3.  Son  maistre  s'apperceut  que  l'Eternel  estoit  avec  luy,  et  que  toutes  choses  qu'il  faisoit,  l'Eternel  les  faisoit  prosperer  entre  ses  mains.  4.  Ioseph  donc  trouva  grace  devant  son  maistre,  et  il  luy  administroit.  Et  iceluy  le  con-  Btitua  sur  sa  maison,  et  mit  en  sa  main  tout  ce  qu'il  avoit.  5.  Depuis  qu'il  luy  eut  baille  la  charge  de  sa  maison  et  de  tout  ce  qu'il  avoit,  l'Eternel  benit  la  maison  de  l'Egyptien  au  moyen  de  Ioseph  :  la  benediction  de  l'Eternel  fut  en  toutes  choses  qui  estoyent  a  luy,  tant  a  la  maison  qu'aux  champs.  6.  Dont  il  laissa  tout  ce  qui  estoit  sien,  en  la  main  de  Ioseph  :  tellement  qu'il  n'avoit  cognoissance  de  rien,  sinon  du  pain  qu'il  mangeoit.  Or  Ioseph  estoit  beau  de  forme,  et  plaisant  de  regard.  7.  Apres  ces  choses,  adveint  que  la  femme  de  son  seigneur  ietta  ses  yeux  sur  Ioseph,  et  dit,  Couche  avec  moy.  8.  Et  il  l'esconduit,  et  luy  dit,  Yoici,  mon  maistre  n'entre  point  en  conte  avec  moy  des  choses  qui  sont  en  la  maison,  et  tout  ce  qui  luy  appartenoit  il  me  l'a  baille  en  ma  main.  9.  Il  n'y  a  point  plus  grand  en  ceste  maison-ci  que  moy:  et  si  ne  m'a  defendu  sinon  toy,  entant  que  tu  es  sa  femme:  et  comment  feray-ie  ce  mal  si  grand,  et  que  ie  peche  contre  Dieu?  10.  Combien  qu'elle  parloit  a  Ioseph  de  iour  en  iour,  toutesfois  il  ne  luy  obeissoit  point  de  coucher  aupres  d'elle,  pour  estre  avec  elle.  ll.  Adveint  un  certain  iour  qu'il  estoit  venu  en  la  maison  pour  faire  sa  besongne,  et  n'y  avoit  aucun  des  hommes  domestiques  en  la  maison  :  12.  Lors  elle  le  prit  par  sa  robbe,  disant,  Couche