54:61  61  SUR  LA  SECONDE  A  TIMOTHEE.  62  est  nostre  pleige  afin  de  nous  delivrer  de  la  condamnation  de  mort  en  laquelle  nous  estions:  il  est  nostre  iustice,  nostre  Advocat  qui  intercede  en  nostre  nom,  et  qui  fera  que  nos  prieres  soyent  exaucees  de  Dieu,  qu'il  est  le  lien  de  concorde  entre  Dieu  et  nous,  comme  celuy  qui  nous  a  acquis  ce  qui  ne  nous  appartient  point  de  nature.  Il  faut  doncques  attribuer  toutes  ces  qualitez-la  a  Iesus  Christ,  si  nous  voulons  bien  scavoir  comme  il  est  apparu.  Car  de  prendre  simplement  ce  mot  d'Evangile,  et  ne  regarder  point  la  substance  qui  est  la  contenue,  ce  seroit  tout  pervertir.  Et  de  faict,  nous  ferons  Iesus  Christ  comme  un  phantosme  si  nous  disons  qu'il  est  apparu  pour  nous  estre  Sauveur,  et  qu'on  ne  face  nulle  mention  ne  memoire  de  ce  qu'il  a  endure  pour  nostre  salut,  et  qu'on  ne  parle  point  comme  nous  avons  este  reconciliez  a  Dieu  son  Pere  par  son  moyen,  comme  nous  avons  este  purgez  de  toutes  nos  macules,  que  nous  avons  este  rachetez  de  l'obligation  de  mort  eternelle.  Si  cela  ne  nous  est  dit,  que  sera-ce?  Si  nous  ne  scavons  que  Iesus  Christ  est  nostre  Advocat,  et  qu'il  porte  la  parole  quand  nous  avons  a  prier  Dieu,  afin  que  nous  ne  soyons  point  repoussez,  que  deviendrons-nous  ?  Quelle  fiance  y  aura-il  plus  d'invoquer  le  nom  de  Dieu,  qui  est  la  forteresse  de  salut,  comme  l'Escriture  en  parle?  Notons  bien  doncques,  quand  sainct  Paul  dit  que  Iesus  Christ  est  apparu,  qu'il  entend  en  premier  lieu,  qu'il  a  accompli  toutes  les  choses  qui  estoyent  requises  a  la  redemption  du  genre  humain.  Mais  cependant  il  nous  a  notifie  la  vertu  de  ceste  clarte  qui  nous  est  apparue  en  sa  resurrection,  afin  que  nous  soyons  participans  d'un  tel  benefice,  et  que  nous  en  puissions  iouir.  Or  si  l'Evangile  estoit  oste,  que  nous  profiteroit-il  que  le  Fils  de  Dieu  eust  endure  une  mort  si  amere,  et  qu'il  fust  ressuscite  au  troisieme  iour?  Tout  cela  nous  seroit  inutile.  L'Evangile  doncques  nous  met  en  possession  des  biens  que  Iesus  Christ  nous  a  apportez,  et  qu'il  nous  a  acquis.  Et  pourtant,  si  auiourd'huy  il  nous  est  absent  de  corps,  qu'il  ne  converse  point  ici  bas  avec  nous,  ne  pensons  point  que  nostre  condition  en  soit  pire:  ce  n'est  pas  qu'il  se  soit  retire  :  comme  s'il  nous  le  faloit  cercher,  et  que  nous  ne  le  puissions  trouver.  Car  le  soleil  qui  nous  luit,  n'esclaire  pas  plus  le  monde,  que  Iesus  Christ  se  monstre  evidemment  a  ceux  qui  ont  les  yeux  de  la  foy  pour  le  regarder,  quand  l'Evangile  se  presche.  Et  voila  pourquoy  sainct  Paul  outre  le  mot  d'Apparition,  dit  que  Iesus  Christ  a  mis  en  clarte  la  vie,  voire  la  vie  immortelle.  Mais  afin  que  nous  trouvions  aux  propres  mots  de  sainct  Paul  tout  ce  que  i'ay  dit,  notons  bien  et  suyvons  le  contenu  de  ce  passage.  Il  dit  que  lo  Fils  de  Dieu  a  destruit  la  mort.  Et  comment  Pa-il  destruite?  S'il  n'avoit  offert  le  sacrifice  eternel  pour  appaiser  l'ire  de  Dieu,