52:61  61  CAPUT  IV.  62  animos,  si  neque  fortunae  [temeritati,  neque  impiorum  libidini  nos  esse  expositos  scientes,  sed  paterna  Dei  cura  nos  gubernari,  toti  in  eius  providentiam  recumbamus.  Denique  qui  hoc  tenet,  Deum  sibi  adesse,  habet  in  quo  securus  acquiescat.  Porro  duobus  modis  Dominus  prope  esse  dicitur.  Vel  quia  instat  eius  iudicium:  vel  quia  paratus  est  ad  opem  suis  ferendam,  in  qua  significatione  capitur  hoc  loco,  sicut  etiam  in  Psalmo  (145,  18),  Prope  est  Dominus  omnibus  invocantibus  eum.  Sensus  ergo  est:  Misera  esset  piorum  conditio,  si  Dominus  procul  abesset.  Verum  quoniam  eos  in  fidem  tutelamque  suam  recepit,  ac  tuetur  manu  sua  quae  tibique  praesens  est  :  hac  cogitatione  se  fulciant,  ne  terreantur  impiorum  furore.  Notum  est  ac  vulgare,  sollicitudinem  accipi  pro  anxietate,  quae  ex  divinae  potentiae  vel  opis  diffidentia  nascitur.  6.  Sed  in  omnibus.  Est  singularis  numerus  apud  Paulum  :  sed  neutrum  genus  ev  Tiavxl  igitur  perinde  valet  atque  in  omni  negotio  :  quia  rcpoaeu-  X*)  xaE  Sercatc  foeminina  sunt.  His  verbis  hortatur  Philippenses,  quemadmodum  omnes  pios  David  et  Petrus  (Psal.  55,  23.  1.  Pet.  5,  7),  ut  sollicitudines  suas  in  Dominum  reiiciant.  Neque  enim  sumus  ferrei,  quin  concutimur  tentationibus.  Sed  hoc  solatium,  haec  levatio  deponere,  vel  (ut  magis  proprie  loquar)  exoneraro  in  sinum  Dei  quidquid  nos  angit.  Fiducia  quidem  tranquillitatem  animis  nostris  affert:  sed  ita  si  exerceamur  precibus.  Ergo  quoties  impetimur  aliqua  tentatione,  statim  ad  orationem,  tanquam  ad  sacrum  asylum  refugiamus.  Petitiones  hic  accipit  pro  desideriis  aut  votis.  Ea  vult  Deo  patefieri  per  orationem  et  precationem:  perinde  ac  si  corda  sua  effunderent  fideles  coram  Deo,  dum  se  illi  et  sua  omnia  commendant.  Videntur  quidem  nonnihil  sublevati,  qui  huc  illuc  respectant  ad  vana  mundi  solatia.  Sed  unus  est  certus  portus,  in  Dominum  recumbere.  Cum  gratiarum  actione.  Quia  multi  saepe  perperam  Deum  orant,  expostulabundi,  vel  obmurmurantes:  quasi  iustam  eius  accusandi  causam  habeant:  alii,  nisi  protinus  suis  votis  obsequatur,  moram  ferre  nequeunt:  ideo  Paulus  gratiarum  actionem  precationibus  coniungit:  ac  si  diceret,  ita  optanda  esse  a  Domino  quae  nobis  sunt  necessaria,  ut  tamen  eius  arbitrio  subiiciamus  nostros  affectus,  ac  gratias  agamus  postulantes.  Et  certe  hoc  in  nobis  efficiet  gratitudo,  ut  Dei  voluntas  praecipua  sit  votorum  nostrorum  summa.  7.  Et  pax  Dei  Quidam  futurum  tempus  in  modum  optativum  vertentes,  precationem  ex  hac  sententia  faciunt:  sed  falso.  Est  enim  promissio,  in  qua  fructum  ostendit  firmae  in  Deum  fiduciae  et  invocationis.  Id  si  feceritis,  inquit,  pax  Dei  c  u  s  t  o  d  i  e  t  mentes  et  corda  vestra.  Scriptura  animam  hominis,  quoad  facultates,  in  duas