51:61  61  SUR  L'EPITRE  AUX  GALATES.  62  mauvaise  grace  en  reprenant.  Et  auiourd'huy  voila,  comme  les  amitiez  s'entretiennent  au  monde:  c'est  qu'il  y  a  un  complot  diabolique  qu'on  permette  et  qu'on  donne  licence  de  tout  mal:  car  nul  ne  veut  qu'on  luy  gratte  ses  rongnes,  et  ne  prend  point  a  gre  lcs  admonitions,  sinon  ceux  que  Dieu  a  touchez,  et  ausquels  il  a  donne  cest  esprit  d'obeissance  pour  se  rendre  dociles.  Ceux  la  donc  diront  avec  David  qu'ils  aiment  mieux  estre  redarguez  vivement,  voire  avec  toute  austerite,  que  d'avoir  les  unguents  des  flateurs,  qui  soyent  comme  pour  les  endormir  en  leurs  vices.  Mais  communement  on  verra  que  chacun  veut  estre  espargne,  et  quoy  qu'il  face  qu'on  ne  luy  sonne  mot,  et  qu'on  ne  luy  rompe  point  les  aureilles  de  ses  vices  et  transgressions.  Or  chacun  s'accorde  a  cela,  tellement  que  Dieu  est  mis  en  oubli,  et  (comme  dit  le  Prophete  Isaie)  il  ne  se  trouve  nul  procureur  par  toutes  les  rues  qui  maintiennent  le  droict.  Oar  il  y  a  une  confusion  et  enormite  si  grande  que  rien  plus:  et  neantmoins  on  laisse  couler  le  tout.  Il  est  vray  que  si  on  fait  tort  a.  quelqu'un,  il  dira  bien  qu'on  doit  mettre  remede  a  une  telle  licence:  mais  ce  n'est  pas  pour  zele  qu'il  ait  de  maintenir  l'honneur  de  Dieu:  ce  n'est  sinon  pour  son  interest  particulier  et  pour  le  regard  de  sa  personne.  Voila  comme  Dieu  ne  trouve  ni  procureurs  ni  advocats  qui  plaident  sa  cause,  mais  chacun  est  addonne  a  soy.  Apprenons  donc  quand  nous  verrons  faillir  quelqu'un,  que  la  charite  n'est  pas  une  couverture  de  mal,  tellement  que  nous  devions  dissimuler  et  faire  semblant  de  rien:  mais  si  nous  avons  soin  du  salut  de  celuy  qui  est  ainsi  tombe,  nous  devons  l'avertir.  Si  un  homme  est  en  la  fange,  nous  luy  rendrons  la  main  pour  le  retirer  :  et  si  nous  passons  outre  sans  faire  semblant  de  rien,  ne  dira-il  pas  que  c'est  une  inhumanite  trop  vilaine?  Ainsi  en  est-il  quand  nous  souffrons  que  les  pechez  soyent  assopis,  car  par  ce  moyen  un  homme  se  plongera  iusques  au  profond  de  perdition.  C'est  donc  une  trop  grande  trahison  que  celle-la,  quand  nous  souffrons  a  nostre  escient  qu'un  homme  se  perde  du  tout.  Et  cependant  aussi  nous  monstrons  qu'il  n'y  a  nul  zele  de  Dieu  en  nous:  car  s'il  nous  est  Pere,  n'est  ce  pas  pour  le  moins  qu'il  nous  face  mal,  et  que  nous  soyons  contristez,  quand  nous  verrons  qu'on  luy  fait  tort  et  iniure?  Ainsi  donc  si  les  ames  que  nostre  Seigneur  Iesus  a  rachetees  si  cherement,  nous  sont  precieuses,  si  l'honneur  de  Dieu  nous  est  recommande  comme  il  merite,  il  est  certain  que  les  fautes  ne  seront  pas  tellement  tollerees  ne  souffertes  de  nous,  que  nous  ne  taschions  a  les  corriger.  Voila  un  item.  Or  maintenant  il  y  a  un  vice  opposite:  c'est  a  scavoir  une  rigueur  trop  grande.  Car  les  hypocrites  auront  cela,  que  s'ils  voyent  un  festu  a  l'oeil  de  leur  prochain,  ils