45:61  61  MATTH.  L  LUC.  Ui.  62  est.  Epiphanius  libro  primo  contra  haereses,  causam  adducit,  quod  quum  bis  positum  esset  Iechoniae  nomen,  secundo  loco  quasi  supervacuum  indocti  eradere  ausi  sunt.  Id  vero  non  debuisse  fieri  admonet,  quia  Ioacim  pater  regis  Ioachin  commune  Iechoniae  nomen  cum  filio  suo  habuerit  (Ier.  27,20;  2.  Reg.  24,  6.  15).  Et  citatur  a  Roberto  Stephano  graecus  codex,  ubi  interponitur  nomen  Ioacim.  12.  Post  exsilium  babylonicum.  Hoc  est,  postquam  Iudaei  in  captivitatem  abducti  sunt.  Significat  enim  evangelista,  Davidis  posteros  tunc  ex  regibus  servos  factos  esse  et  exsules.  Porro  quum  illa  captivitas  quaedam  esset  interitus  species,  mirabili  Dei  providentia  factum  est,  non  modo  ut  rursum  Iudaei  in  unum  corpus  coalescerent,  sed  etiam  ut  aliquae  principatus  reliquiae  manerent  in  familia  Davidis.  Nam  qui  domum  reversi  sunt,  ultro  paruerunt  imperio  Serubabel.  Durarunt  ergo  hunc  in  modum  regii  sceptri  fragmenta,  usque  dum  Christi  adventus  instaret,  secundum  vaticinium  Iacob,  Non  exibit  sceptrum  e  Iuda,  nec  dux  e  femore  eius,  donec  veniat  Schilo  (Gen.  49,  10).  Atque  in  illa  quantumvis  misera  tristique  populi  dissipatione  nunquam  tamen  fulgere  destiterunt  scintillae  quaedam  gratiae  Dei.  Graecum  nomen  ([xeToixeaiac),  pro  quo  vetus  interpres  transmigrationem,  Erasmus  exsilium  reddit,  proprie  mutatam  habitationem  significat.  Intelligit  ergo.  Iudaeos  e  patria  migrare  coactos  fuisse,  ut  alibi  tanquam  inquilini  demigrarent.  16.  Iesus  qui  vocatur  Christus.  In  cognomine  Matthaeus  officium  designat,  ut  sciant  lectores,  non  esse  hunc  privatum  hominem,  sed  unctum  divinitus  ad  implendum  redemptoris  munus.  Qualis  autem  fuerit  et  quorsum  spectarit  eius  unctio,  pluribus  in  praesentia  non  disseram.  De  voce  ipsa  sic  habendum  est:  postquam  abolitum  fuit  regnum,  coepisse  ad  unum  illum  referri,  a  quo  speranda  erat  plena  salutis  perditae  instauratio.  Quamdiu  enim  floruit  in  familia  Davidis  aliqua  maiestas,  reges  vocari  solebant  Christi.  Atqui  ne  deformis  vastitas,  quae  sequuta  est,  piorum  animos  in  desperationem  coniiceret,  unico  redemptori  hoc  nomen  aptari  Deus  voluit,  sicuti  ex  Daniele  apparet.  Historia  vero  evangelica  passim  ostendit,  vulgatum  tunc  fuisse  loquendi  morem,  quum  exhibitus  est  filius  Dei  in  carne.  MATTH.  I.  18.  Porro  Iesu  Christi  nativitas  sic  habuit.  Quum  enim  mater  eius  Maria  desponsa  esset  Ioseph,  antequam  convenirent,  deprehensa  est  gravida  e  spiritu  sancto:  19.  Ioseph  autem  maritus  eius  quum  esset  iustus,  et  nollet  eam  traducere,  voluit  occulte  dimittere  eam.  20.  Haec  autem  eo  cogitante,  ecce  angelus  Domini  per  somnium  apparuit  illi,  di-