44:61  61  CAPUT  III.  62  genter  notandum  est,  ut  sciamus  non  posse  Deo  probari  studium  nostrum,  nisi  dum  ita  in  eundem  finem  tendimus  :  et  etiam  alii  aliis  cupimus  animum  addere,  et  conferimus  inter  nos  officia  nostra.  Nisi  ergo  ita  inter  se  respondeant  fideles,  Deus  non  potest  probare  ipsorum  obsequium.  Iam  videmus  quam  stulte  desipiant,  qui  liberum  arbitrium  et  quidquid  inde  pendet  tantopere  extollunt  :  quia  Dominus  exigat  tam  fidem  quam  reliquas  partes  pietatis:  deinde  etiam  caritatem  et  totam  legis  observantiam  requirat  ab  omnibus.  Nam  hic  testatur  non  posse  invocari  nomen  suum,  quoniam  omnibus  polluta  sunt  labia,  donec  consecraverit,  repurgans  per  spiritum  suum  quod  pollutum  fuerat.  Deinde  ostendit  non  aliter  nomines  iugum  subituros,  nisi  coniungat  ipsos,  ut  sese  voluntarios  praestent.  Non  possem  ulterius  progredi.  10.  Trans  fluvios  Aethiopiae  supplicantes  mihi  (vel  supplices  mei):  filia  dispersorum  meorum  offerent  munus  meum  (hoc  est  mihi:  nam  1  affixum  accipitur  loco  pronominis  ^N).  Non  consentiunt  interpretes  in  hoc  versu  :  quia  Hebraei  quidam  eum  contexunt  cum  superiore:  ac  si  adhuc  dissereret  propheta  de  vocatione  gentium.  Alii  autem  (quibus  ego  libentius  subscribo)  referunt  ad  Iudaeos  dispersos,  ut  hic  spem  faciat  propheta  restitutionis,  de  qua  etiam  ante  loquutus  est.  Qui  de  gentibus  intelligunt,  putant  Atharai  et  Phousai  esse  propria  nomina  vel  gentilia.  Sed  primum  nusquam  reperietur  locus,  unde  colligant  gentes  aliquas  sic  fuisse  vocatas:  deinde,  si  recipimus  quod  docent,  non  erunt  gentes  separatae,  sed  pars  Aethiopum,  Neque  enim  propheta  hic  seorsum  dicit  Phousai  et  Atharai  futuros  Dei  cultores:  sed  postquam  loquutus  est  de  Aethiopia,  adiungit  duas  istas  voces:  unde  colligitur  prophetam  hoc  velle,  ab  ultima  regione  Aethiopum  redituros  in  Iudaeam,  qui  sacrificia  Deo  offerant.  Quoniam  autem  ponit  filiam  dispersorum,  necesse  est  hoc  intelligere  de  Iudaeis,  quia  non  quadraret  Aethiopibus.  Atqui  optime  contexitur  haec  promissio  cum  superiore.  Loquutus  enim  est  heri  propheta  de  futura  vocatione  gentium:  nunc  adiungit,  etiam  cum  gentibus  venturos  Iudaeos,  ut  simul  coalescant  uno  fidei  consensu  in  verum  et  purum  unius  Dei  cultum.  Dixerat  ampliandum  esse  regnum  Dei,  quia  ecclesia  colligenda  erat  ex  variis  populis.  Nunc  adiungit  restitutionem  electi  populi  postquam  in  exsilium  abductus  esset.  Ergo,  inquit,  trans  flumina  Aethiopiae  erunt  mihi  supplices.  Nam  "iny  significat  supplicare  :  sed  significat  etiam  interdum  placari  vel  esse  propitium.  Unde  etiam  quidam  Dnny  putant  vocari  passive,  Qui  reconciliati  erunt  Deo:  quasi  diceret,  Placabilis  erit  tandem  Deus  miseris  exsulibus,  etiamsi