42:61  61  SUR  LE  XI.  CHAR  DE  DANIEL.  SERMON  XXXIX  sur  le  Chap.  XI.  v.  33.34.  Sainct  Paul  parlant  de  quelques  uns  qui  de  son  temps  avoient  renonce  l'Evangile,  et  s'estoient  revoltes,  dit  que  Dieu  connoist  les  siens,  et  les  tient  comme  sous  un  cachet,  puis  il  adiouste,  quiconques  reclame  le  nom  du  Seigneur,  qu'il  se  departe  de  toute  iniquite.  Par  cela  il  signifie  que  beaucoup  feront  profession  d'estre  chrestiens,  lesquels  toutesfois  n'ont  qu'hipocrisie  en  eux,  et  mensonge  :  il  est  vray  que  si  on  veut  croire  a  leur  bouche,  qu'il  n'y  aura  que  chrestiente  en  eux,  et  crainte  de  Dieu,  mais  cependant  si  on  regarde  leur  vie,  on  trouvera  qu'il  n'y  ha  nulle  religion  du  tout,  et  encores  qu'ils  facent  quelque  beau  semblant  en  la  fin,  si  monstrent-  ils  qu'il  n'y  ha  rien  eu  en  leur  langue,  sinon  toute  trahison  et  desloiaute.  Ainsi  donc  apprenons  de  n'estre  point  troubles  d'un  tel  scandale,  que  si  nous  en  voions  d'aucuns  qui  pour  un  temps  aient  confesse  Iesus  Christ,  et  puis  se  departent  de  l'Evangile  comme  traistres  et  apostats,  que  nous  demourions  tousiours  fondes  en  nostre  Dieu,  que  nous  cueillons  vertu  et  puissance,  et  que  nous  aions  memoire  de  cette  sentence  que  nous  avons  maintenant  alleguee  de  sainct  Paul,  a  fin  que  nous  prions  Dieu  qu'il  luy  plaise  nous  tenir  sous  son  cachet  et  signature,  et  qu'il  ne  donne  point  acces  a  Satan  a  l'encontre  de  nous,  et  voila  comme  il  nous  faut  pratiquer  cette  doctrine,  que  nous  oions  en  ce  passage  du  prophete,  ou  il  est  dit  que  plusieurs  seront  seduicts  par  flateries  au  temps  des  persecutions,  que  craignans  la  mort  et  voulans  fuir  les  dangers,  ils  seront  destournes  de  la  verite  de  Dieu:  mais  cependant  le  prophete  adiouste  que  tous  ceux  qui  connoissent  leur  Dieu  tiendront  bon,  et  se  fortifieront,  non  pas  seulement  pour  retenir  quelque  connoissance  en  secret,  mais  pour  monstrer  qu'ils  sont  et  veulent  servir  a  Dieu  pour  donner  vray  tesmoignage  de  leur  foy  devant  les  hommes,  et  c'est  ce  qui  est  entendu  par  ce  mot  d'exploitter.  Or  il  adiouste,  que  les  prudens  donneront  instruction  au  peuple,  en  quoy  il  signifie  qu'il  sera  besoing,  du  temps  que  la  cruaute  d'Antiochus  s'eslevera  en  l'Eglise,  que  ceux  qui  sont  mieux  enseignes  monstrent  le  chemin  aux  autres,  qu'ils  les  conferment  par  leurs  exhortations,  et  qu'ils  les  retiennent  en  obeissance  de  la  loy,  car  voila  aussi  pourquoy  Dieu  donne  plus  de  graces  aux  uns  qu'aux  autres,  c'est  a  fin  qu'ils  servent  a  leurs  prochains,  lesquels  sont  plus  rudes  et  ignorans,  car  il  faut  que  nous  emploions  tout  ce  que  nous  aurons  receu  de  Dieu,  a  l'edification  commune  de  l'Eglise,  cela  se  doit  faire,  encores  que  nous  n'ayons  nulle  persecution.