40:61  61  IN  EZECHIELIS  PROPH.  CAP.  II.  62  Postquam  recitavit  propheta  visionem  quae  ad  confirmationem  vocationis  eius  spectabat,  nunc  addit  se  cecidisse  super  faciem  suam:  quibus  verbis  docet  se  fuisse  certo  persuasum  de  manifestata  Dei  gloria.  Nam  sola  Dei  cognitio  nos  vere  humiliat.  Quanquam  simul  docet  propheta  non  posse  homines  cogi  in  ordinem,  donec  prostrati  fuerint.  Neque  enim  tantum  dicit  se  paratum  fuisse  ad  excipienda  Dei  mandata,  nec  docilitatem  suam  commendat:  sed  potius  significat  se  quasi  violenter  fuisse  deiectum.  Neque  enim  prorsus  exuerat  affectus  carnis.  Scimus  autem  ingenitam  nobis  esse  confidentiam.  Ergo  quia  naturaliter  propheta  non  satis  fuisset  compositus  ad  obedientiam  Dei,  oportuit  ipsum  metu  deiici,  ut  tandem  sponte  humiliaretur.  Iam  adiungit,  CAPUT  II.  1.  Et  dixit  ad  me,  Fili  hominis  sta  super  pedes  tuos,  et  loquar  tecum.  2.  Et  venit  in  me  spiritus  quum  loqueretur  ad  me,  et  statuit  me  super  pedes  meos,  et  audivi  loquentem  ad  me.  Hic  narrat  propheta  se  Dei  iussu  fuisse  electum.  Neque  enim  Deus  suos  prosternit,  ut  relinquat  iacentes  in  terra,  sed  continuo  post  ipsos  attollit.  Quantum  ad  reprobos  spectat,  sic  terrentur  Dei  conspectu,  ut  prorsus  concidant,  nec  resurgant.  Fidelium  autem  alia  est  ratio,  quia  corrigitur  in  ipsis  carnis  superbia:  deinde  porrigit  illis  Deus  manum,  et  ipsos  restituit  quasi  e  morte  in  vitam.  Et  hoc  discrimen  diligenter  notandum  est,  quia  videmus  impios  saepe  expavescere  ad  Dei  vocem.  Quod  si  contumaciter  ipsum  loquentem  spernant,  terrentur  tamen  eius  manu,  ubi  apparent  aliqua  irae  et  vindictae  eius  signa:  sed  manent  exanimes.  Fidelibus  etiam  commune  est  expavescere  ad  Dei  vocem,  sed  alius  est  ac  longe  diversus  finis,  quemadmodum  hic  videmus:  quia  postquam  Deus  ipsos  humiliavit,  iubet  bono  esse  animo,  et  ostendit  sibi  nihil  aliud  fuisse  propositum,  quam  ut  ipsos  stabiliret  sua  virtute.  Interea  simul  propheta  docet,  hac  voce  nihil  fuisse  effectum,  donec  spiritus  accessit.  Deus  quidem  efficaciter  operatur  per  suum  sermonem:  sed  tenendum  est  efficaciam  non  esse  inclusam  in  sonitu  ipso,  sed  prodire  ab  arcano  spiritus  instinctu.  Utrumque  ergo  nunc  propheta  ostendit:  ab  una  parte  refert  se  audiisse  vocem  Dei,  ut  staret  super  pedes  suos.  Deus  ergo  voluit  ipsum  animare  ad  fiduciam.  Sed  simul  adiungit,  nondum  se  fuisse  erectum  voce  illa,  donec  spiritus  ipsum