39:61  61  IN  IEREMIAM.  CAP.  XXXIII.  62  caesus  fuisset  vitulus.  Ostendit  ergo  hoc  totum  ideo  praescriptum  illis  et  mandatum  fuisse  ut  gratos  se  ostenderent.  Ergo  metonymica  haec  loquutio  diligenter  notanda  est,  quoniam  ex  ea  colligimus  sacrificia  per  se  nullius  fuisse  momenti,  sed  grata  tantum  et  boni  odoris  fuisse  Deo  propter  finem,  quia  scilicet  testimonia  erant  gratitudinis.  Addit  igitur,  in  templum  Iehovae.  Nunc  etiam  hoc  postremo  notandum  est,  non  sufficere  si  quisque  Deo  gratus  sit,  sed  simul  requiri  publicam  gratiarum  actionem,  ut  scilicet  alii  alios  mutuo  incitent.  Deinde  scimus  confessionem  non  debere  a  ude  separari,  sicuti  fides  sedem  suam  in  cordibus  habet,  ita  etiam  ex  ea  nascitur  externa  confessio:  et  ideo  fieri  non  potest  quin  erumpat  ex  animo  interior  affectus,  et  lingua  cordi  coniuncta  sit,  unde  sequitur  omnes  eos  mentiri  qui  fidem  testantur  se  intus  habere,  interea  vero  muti  sunt,  et  quantum  in  se  est,  indigne  sepeliunt  Dei  beneficia:  et,  quemadmodum  iam  dixi,  hic  affectus  requiritur  a  piis  omnibus,  ut  sese  ultro  ac  citro  incitent  ad  laudandum  Deum:  quia  hoc  consilio,  et  hac  ratione  sit  expressa  templi  mentio,  ut  intelligat  fideles  non  privatim  modo  et  clausis  aedibus  colendum  esse  Deum,  sed  simul  publicam  professionem  debere  accedere,  ita  ut  communi  consensu  eum  simul  celebrent  et  agnoscant  eius  beneficia.  12.  Sic  dicit  Iehovah  exercituum,  Adhuc  erit  in  loco  hoc  destructo,  ut  non  sit  homo,  et  iumentum,  et  in  omnibus  urbibus  eius,  habitaculum  pastorum  accubare  facientium  oves,  13.  In  urbibus  montis  (hoc  est,  montanis)  et  in  urbibus  planitiei  (campestribus),  et  in  urbibus  austri  (id  est,  quae  vergunt  ad  meridiem),  et  in  terra  Beniamin,  et  per  circuitus  Ierusalem,  et  in  urbibus  Iehudah  adhuc  transibunt  oves  per  manus  numerantis,  dicit  Iehovah.  Adhuc  eandem  sententiam  prosequitur  Ieremias:  sed  hic  concionatur  de  stabili  populi  felicitate,  quasi  diceret  non  esse  cur  timeant  Israelitae,  quin  Deus  quum  illis  reditum  aperuerit  in  patriam,  simul  eos  conservet  ac  tueatur,  postquam  reversi  fuerint.  Sed  quum  exprimere  vult  pacem  et  tranquillum  statum,  loquitur  de  pastoribus,  scimus  enim  hoc  signum  esse  pacis,  dum  secure  ducuntur  oves  et  armenta  per  agros.  Hostes  enim  semper  inhiant  huic  praedae:  et  hoc  ostendit  experientia  bellorum.  Quoties  enim  fiunt  incursiones  ab  hostibus,  mittunt  speculatum  an  sint  pastores  vel  armentarii,  vel  bubulci:  et  tunc  sciunt  sibi  praedam  esse  paratam.  Quoniam  ergo  ubi  metuitur  incursio  hostium  non  audent  pastores  egredi,  et  nulla  tunc  est  libertas,  ideo  propheta,  ut  significet  Iudaeos  fore  tranquillos,  dicit,  Adhuc  erit  in  loco  hoc  habitaculum  pastorum,