35:61  61  IOB  CHAP.  XXXIII.  volonte?  qu'il  nous  semble  que  c'est  assez  ou  trop?  que  nous  enquerons  curieusement,  pourquoi  c'est  que  Dieu  use  d'une  telle  rigueur  contre  nous?  Qui  est  cause  de  tout  cela?  Pource  que  nous  ne  pensons  point  a  sa  grandeur:  car  il  est  certain  que  si  l'homme  pensoit  que  c'est  de  Dieu,  ii  seroit  la  retenu  du  premier  conp  et  enserre:  o  il  ne  prendroit  plus  licence  de  murmurer,  ne  de  repliquer  en  facon  que  ce  fust.  Notons  bien  donc  que  toutes  nos  affections  trop  grandes  et  excessives,  tous  nos  murmures,  toutes  choses  semblables  procedent  de  ce  que  nous  ne  cognoissons  point  que  c'est  de  Dien,  et  que  nous  le  despouillons  de  sa  maieste  entant  qu'en  nous  est.  Voila  une  chose  execrable,  il  n'y  a  celui  qui  n'en  ait  horreur:  mais  sans  y  penser  il  nous  adviendra,  et  l'experience  le  monstre.  Oar  si  tost  que  les  choses  ne  viennent  point  a  nostre  souhait,  ne  sommes  nous  point  escarmouchez  pour  entrer  en  dispute  contre  Dieu?  Voila,  nous  voudrions  que  tout  allast  bien.  Ie  pren  le  cas  que  nostre  zele  soit  bon:  mais  si  est-ce  qu'encores  nous  voudrions  ranger  Dieu  a  disposer  les  choses  selon  que  bon  nous  semble:  et  s'il  advient  tout  au  rebours,  nous  voila  incontinent  effarouchez.  Et  pourquoi  est-ce  que  ceci  advient?  que  nous  ne  demanderions  sinon  que  Dieu  nous  donnast  conge  de  parler  privement  a  lui,  il  nous  semble  que  nous  lui  pourrions  remonstrer  que  les  choses  devroyent  aller  autrement,  et  si  nous  n'avons  cela,  si  est-ce  que  sa  volonte  ne  nous  peut  contenter.  En  somme,  il  nous  faut  la  retenir,  Toutes  choses  se  gouvernent  par  la  providence  de  Dieu,  or  il  nous  semble  que  tout  devroit  aller  a  l'opposite.  Voila  donc  entrer  en  procez  et  en  querelle  contre  Dieu,  c'est  comme  si  nous  le  despouillions  de  sa  grandeur  entant  qu'en  nous  est,  et  lui  ravissions  son  droit.  Ainsi  ce  n'est  point  sans  cause  qu'Eliu  use  de  ce  principe  a  l'encontre  de  Iob,  Dieu  est  plus  grand  que  toi,  et  comment  entens-tu  de  plaider  ainsi  contre  lui?  Or  par  cela  nous  sommes  advertis  en  premier  lieu,  Que  toutes  fois  et  quantes  que  nous  serons  par  trop  faschez  en  nos  afflictions,  et  que  nous  voudrions  que  les  choses  allassent  autrement,  et  ne  pouvons  souffrir  que  Dieu  nous  gouverne  selon  son  plaisir,  c'est  autant  comme  si  nous  le  voulions  faire  nostre  pareil  et  compagnon,  apres  l'avoir  despouille  de  son  droit,  que  nous  voulussions  qu'il  n'eust  plus  de  maistrise  ne  de  superiorite  par  dessus  nous.  Nostre  intention  ne  sera  pas  telle,  mais  tant  y  a  que  nous  en  sommes  coulpables.  Et  ainsi  d'autant  plus  devons-nous  gemir  en  nous  recueillant,  voyans  qu'il  y  a  une  telle  hautesse  en  nous,  que  nous  ne  pouvons  estre  bien  mattez  pour  glorifier  Dieu  en  tout  co  qu'il  nous  envoye:  et  que  nous  voudrions  bien  que  les  choses  allassent  tout  au  rebours,  et  serions  contens  de  sommer  Dieu  a  faire  ce  que