31:61  61  PSALMUS  IV.  62  donis  ad  suum  munus  exsequendum  necessariis  instruere  solet.  Nonnulli  TDPI  passive  accipiunt  non  pro  benefico,  sed  qui  Dei  favore  in  solio  locatus  est.  Sed  quia  nullum  huius  significationis  exemplum  mihi  in  scriptura  occurrit,  communem  sententiam  sequi  tutius  iudico,  quod  Deus  regem  elegerit  qui  vere  suae  vocationi  respondet,  quia  misericors  est  ac  beneficus.  Hinc  colligit  se  exauditum  iri  quoties  ad  Deum  clamaverit.  Nam  in  eo  praecipue  fidem  suam  probat  Dominus,  quod  opus  suum  non  deserit,  sed  quos  semel  amplexus  est,  perpetuo  tuetur,  quo  docemur  intrepidi  ambulare  in  viis  nostris:  quia  nunquam  irritum  erit  quidquid  fuerimus  aggressi  ex  eius  nutu.  Hoc  nobis  fixum  maneat,  nunquam  Dei  auxilium  defore  sincere  in  suo  cursu  pergentibus:  sine  qua  consolatione  singulis  momentis  fideles  concidere  necesse  est.  5.  Contremiscite,  et  non  peccabitis  :  loquimini  in  corde  vestro  super  cubile  vestrum,  et  tacete.  Selah.  6.  Sacrificate  sacrificia  iustitiae,  et  sperate  in  Domino,  5.  (Contremiscite.)  Nunc  hostes  suos  ad  resipiscentiam  hortatur,  si  forte  adhuc  sanabilis  sit  eorum  insania.  Primo  autem  contremiscere  eos  iubet,  vel  tumultuari:  quo  verbo  eorum  stuporem  perstringit,  quia  Dei  timore  et  vivo  sensu  vacui  praecipites  ruant.  Et  certe  hinc  tantum  audaciae  impiis  omnibus,  ue  bellum  cum  Deo  suscipere  non  dubitent,  quia  eos  obdurat  ebria  securitas:  et  eorum  socordiae  callum  obducit  voluntarius  stupor,  dum  et  se  ipsos  et  Deum  obliti  sequuntur  quocunque  impellit  libido.  Hanc  eorum  furori  optimam  fore  medicinam  dicit,  ne  amplius  peccent,  si  a  suo  veterno  expergefacti  moveri  ac  trepidare  incipiant:  acsi  diceret:  simulatque  torporem  vestrum  et  indolentiam  excusseritis,  ita  fiet  ut  resideat  peccandi  cupiditas.  Ideo  enim  bonis  ac  simplicibus  molesti  sunt  impii,  tantasque  turbas  excitant,  quia  secum  nimis  sunt  pacati.  Postea  admonet  ut  secum  in  cubili  loquantur,  hoc  est,  in  otio,  et  quasi  in  alto  recessu  rationes  subducant:  quod  opponitur  intemperanti  ipsorum  fervori.  Tandem  silentium  illis  praecipit.  Notandum  vero  est,  huius  silentii  causam  esse  motum  vel  trepidationem  cuius  nuper  meminit.  Nam  si  quos  ad  peccandum  abripuit  phrenetica  temeritas,  hoc  principium  est  reditus  ad  sanam  mentem,  se  ex  sopore  expergefacere  ad  metum  et  terrorem.  Sequitur  deinde  composita  meditatio:  tum  volvunt  ac  revolvunt  quo  se  proiecerint:  ita  demum  qui  nihil  prius  non  audebant,-  discunt  modesti  esse  ac  quieti  :  saltem  vesanos  suos  impetus  compescunt.  Loqui  super  cubile,  ex  communi  usu  et  experientia  dictum  est.  Scimus  enim,  dum  interdiu  versamur  inter  homines,  sensus  magis  distrahi:  deinde  saepius  per-