30:61  61  IN  L  LIB.  SAMUEL.  CAP.  XIV.  62  Iehova?  Annon  is  est  cuius  abstulit  excelsa  et  altaria,  quae  habebat  gratissima?  Deusne  illum  exaudiret?  nonne  illi  adversarius  est?  Nae  istiusmodi  vocibus  bonus  ille  Ezechias  poterat  a  recto  tramite  abduci,  si  se  ob  peccata  puniri  a  Domino  iudicasset:  nam  existimasset  bonum  quod  Dei  sententia  probatur  malum  esse.  Quapropter  animis  nostris  istud  altius  resideat  necesse  est,  malis  et  afflictionibus  nos  prementibus,  oportere  ut  in  nos  ipsos  ingrediamur,  et  nos  exploremus,  qua  in  re  Dei  adversum  nos  iram  provocaverimus.  Ac  si  nos  conscientia  redarguat,  culpam  ingenue  agnoscamus  et  fateamur,  veniamque  a  Domino  deprecemur.  Quin  etiam  si  causam  afflictionum  investigantes,  non  animadvertimus  haec  aut  illa  peccata,  Deum  sciamus  longe  quam  nos  habere  oculos  perspicaciores,  et  nos  in  peccatis  nostris  prorsus  caecutire:  proinde  fraenum  ori  nostro  imponamus,  ne  adversus  Domini  castigationes  obloquamur,  neve  iniuriam  ab  ipso  fieri  nobis  arbitremur.  Tum  vero  etiam  cavendum  ne  animum  despondeamus,  licet  adversum  nos  duram  et  asperam  ipsius  manum  experiamur:  sed  potius  haberi  nos  ab  ipso  ut  filios  teneamus:  ac  proinde  aequum  esse  ut  lapsos  castiget.  Praeterea  etiam  agnoscamus,  quandoquidem  Deus  nos  ut  filios  regere  vult,  non  esse  tanquam  gravem  aut  duram,  fugiendam  quamcunque  nobis  conditionem  imposuerit,  et  quamcunque  afflictionem  immiserit:  sed  potius  a  Dei  manu  cum  animi  submissione  excipiendam,  ut  quacunque  deduxerit,  placide  sequamur.  Denique  nos  a  Deo  tanquam  filios  castigari  persuasum  habeamus,  quum  peccata  punit,  licet  ea  non  omnino  cognoscamus.  Et  praeterea:  nonnunquam  affligi  nos  sciamus  a  Deo  patientiam  nostram  exploranfce.  Et  hactenus  de  verbis  illis  quibus  Saul  Deo  sibi  non  respondente,  iusserat  quaeri  qua  in  re  fuisset  eo  die  peccatum.  Sane  tum  Dominus  verba  ipsius  direxit:  sed  in  eo  ipso  graviter  a  Saule  peccatum  est,  quod  non  cognovit.  Nonnunquam  enim  se  procul  a  nobis  Deus  abesse  simulabit,  licet  nostri  maximam  curam  habeat,  et  nostrae  salutis.  Male  itaque  collegit  Saul  nimiumque  generalis  illa  sententia  est,  et  non  necessaria  conclusio:  Quandoquidem  Deus  hodie  mihi  non  respondit,  necesse  est  graviter  adversus  Dominum  fuisse  peccatum.  Potuit  enim,  ut  ante  diximus,  alia  quadam  de  causa  Deus  non  respondere,  ut  saepe  solet  Deus  suos  filios  explorare,  suum  auxilium  differendo.  Quare  nimia  fuit  Saulis  festinatio.  Nihilominus  tamen  hoc  loco  Deus  facit  eius  ratam  sententiam,  cuius  deinceps  facti  rationem  audiemus.  Interim  aliud  etiam  Saulis  peccatum  hic  examinandum.  Nam  cur  de  occulto  peccato  inquirit,  quum  eadem  nocte  populus  manifestae  pollutionis  et  legis  violatae  reus  esset  factus?  Nam  et  ante  legem  latam  et  tabulis  consignatam,  sanguine  vesci