28:61  61  SUR  LE  DEUTER.  CHAP.  XXII.  62  ou  est  l'honneur  que  vous  devez  avoir  envers  moy?  *  Dieu  donc  veut  bien  estre  honore  de  nous  :  mais  cependant  si  veut-il  estre  servi,  voire  d'une  franche  volonte  et  d'une  affection  cure:  comme  nous  l'avons  declare  ci  dessus  en  traittant  du  sommaire  de  la  Loy  au  septiesme  chapitre  :  Israel,  qu'est-ce  que  ton  Dieu  demande  de  toy,  sinon  que  tu  adheres  a  luy  en  l'aimant?  Voila  (di-ie)le  sommaire  du  service  que  Dieu  requiert  de  nous.  Ainsi,  nous  sommes  admonnestez  qu'il  ne  nous  faut  point  estre  pressez  tellement  des  menaces  qui  nous  sont  faites,  et  des  punitions  qui  sont  contenues  en  la  Loy,  que  cependant  en  prevenant  tout  cela  nous  ne  soyons  prests  de  nous  dedier  a  Dieu  en  sacrifice  volontaire,  et  de  l'invoquer  comme  nostre  pere,  selon  qu'il  nous  a  adoptez  pour  ses  enfans.  En  la  fin  Moyse  declare,  qu'en  mariage  on  doit  observer  une  telle  honnestete  de  nature,  que  le  beau-fils  ne  se  mesle  point  avec  le  belie-mere.  Il  est  vray  qu'il  ne  met  ici  qu'une  espece:  au  vingtiesme  du  Levitique  il  y  en  a  plus.  Mais  c'est  afin  de  reduire  en  memoire  ce  qu'il  avoit  auparavant  declare.  Car  Moyse  a  fait  ici  un  recit  de  la  Loy,  laquelle  desia  il  avoit  escrite.  Et  nous  avons  monstre  que  ce  n'estoit  point  une  chose  superflue:  pource  que  les  hommes  ont  courte  memoire,  et  qu'ils  ont  bien  tantost  oublie  ce  que  Dieu  leur  avoit  monstre.  Il  a  fallu  donc  que  Moyse,  pour  approbation  plus  grande  de  sa  doctrine,  la  reiterast  en  ce  livre  present.  Et  pour  ceste  cause  il  ne  fait  que  toucher  comme  en  passant  quant  aux  mariages:  qu'on  doit  tenir  cest  ordre,  que  tous  incestes  soyent  en  execration.  Car  les  Payens  mesmes  ont  cogneu,  que  si  les  mariages  se  faisoyent  sans  discretion,  qu'il  y  eust  des  incestes  (comme  ils  les  ont  appellez)  que  les  mariages  seroyent  polus  devant  Dieu,  et  pires  que  paillardise.  Or  ils  ont  eu  ceste  impression-  la,  encores  qu'ils  ne  fussent  point  enseignez  de  la  volonte  de  Dieu  purement:  toutesfois  si  estce  qu'ils  ont  eu  quelque  estincelle:  que  Dieu  n'a  point  voulu  que  le  genre  humain  fust  abruti,  que  il  n'y  eust  tousiours  ie  ne  say  quoy  pour  rendre  les  hommes  inexcusables,  et  pour  aggraver  leur  condamnation  tant  plus:  comme  aussi  sainct  Paul  en  traitte  au  deuxiesme  chapitre  de  l'Epistre  aux  Romains.  Or  de  deduire  tous  les  degrez  dont  il  est  parle  au  Levitique,  il  n'est  ia  besoin  pour  maintenant:  mais  il  suffira  de  retenir  la  somme,  c'est  assavoir  que  nous  devons  avoir  discretion  et  honnestete  en  mariage,  que  les  parentages  ne  soyent  point  meslez,  qu'un  pere  ne  prenne  point  la  fille,  un  frere  ne  prenne  point  la  soeur,  un  oncle  ne  prenne  point  la  niece:  et  aussi  que  lebeau-pere  ne  prenne  point  sa  belle-fille,  que  la  belle-mere  ne  prenne  point  son  gendre.  Car  si  nous  n'observons  cela,  que  differens  -  nous  d'avec  les  bestes  brutes?