27:61  61  SUR  LE  DEUTER.  CHAP.  X.  62  aucun  contredict:  et  que  la  parolle  de  Dieu,  outre  ce  qu'elle  nous  est  amiable,  nous  soit  aussi  en  reverence,  et  que  nous  la  suyvions,  pour  nous  y  submettre  en  tout  et  par  tout.  Or  Moyse  apres  avoir  parle  ainsi,  adiouste,  que  Dieu  n'a  point  esgard  aux  personnes,  et  qu'il  ne  recoit  point  presens.  En  disant  qu'il  n'a  point  regard  aux  personnes,  il  signifie  qu'il  n'y  a  point  de  faveur  envers  luy  pour  Ies  choses  qui  esmeuvent  volontiers  les  hommes.  Car  ce  mot  de  Personne  signifie  ce  qui  apparoist:  il  ne  se  prend  point  ici  ni  en  d'autres  passages  de  l'Escriture  pour  ce  que  nous  disons  en  nostre  langage:  Voila  une  personne,  voila  deux  personnes:  mais  ce  sont  ou  richesses,  ou  la  povrete,  ou  le  parentage,  ou  la  noblesse,  ou  l'honneur.  Toutes  choses  donc  qui  ont  apparence  devant  les  hommes,  pour  nous  esmouvoir  a  porter  faveur  a  quelcun,  ou  bien  a  le  hayr,  ou  a  l'honorer,  ou  a  le  mespriser,  tout  cela  est  comprins  sous  ce  mot  de  Personnes:  car  ce  sont  comme  masques.  Et  ainsi  il  est  dit  que  Dieu  n'accepte  point  les  personnes.  Et  a  quel  propos  est-ee  que  Moyse  en  parle?  C'est  pource  que  les  grands  se  voyans  estre  supportez  selon  le  monde,  en  pensent  faire  autant  envers  Dieu,  et  s'enorgueillissent  la  dessus.  Si  un  homme  s'est  acquis  credit,  et  qu'on  n'ose  sonner  mot  quand  il  faudra,  et  que  mesmes  il  face  peur  a  tous  ceux  qui  luy  resisteront,  il  luy  semble  qu'il  en  a  autant  gagne  envers  Dieu  :  et  la  dessus  il  s'esgaye.  Voila  qui  est  cause  que  beaucoup  se  desbauchent,  et  se  despouillent  de  toute  crainte  de  Dieu  :  car  quand  ils  se  voyent  estre  craints,  et  redoutez,  quand  ils  voyent  qu'on  les  prise,  qu'on  leur  favorise:  ils  ont  tout  gagne,  ils  font  leurs  triomphes,  et  leur  semble  qu'ils  ne  doivent  plus  estre  appellez  a  conte.  D'autant  que  les  hommes  s'abusent  ainsi,  Moyse  les  appelle  au  iugement  de  Dieu,  qui  est  en  verite:  comme  S.  Paul  en  parle,  quand  il  declaire  ce  motj  que  Dieu  n'a  point  egard  aux  personnes:  il  iuge  (dit-il)  en  verite  selon  le  faict,  et  selon  la  droicture:  qu'il  ne  faut  point  que  les  hommes  pensent  avoir  rien  profite  quand  ils  apporteront  ceci  et  cela.  Et  au  reste,  il  signifie  quant  et  quant  que  Dieu  n'est  point  servi  a  l'oeil,  mais  qu'il  regarde  la  verite  du  coeur,  et  non  point  les  choses  qui  apparoissent:  ainsi  qu'il  en  est  parle  au  premier  de  Samuel.  Et  ainsi  nous  avons  a  noter  que  si  quelques  uns  sont  grands  selon  le  monde,  qu'il  ne  faut  point  qu'ils  levent  le  col  ne  la  teste  contre  Dieu:  car  ils  n'y  gagneront  rien,  d'autant  que  toutes  les  grandeurs  du  monde  ne  sont  que  fumee  devant  luy:  et  ceux  qui  sont  petits,  ne  doivent  point  penser  que  Dieu  les  supporte:  comme  quelque  fois  ils  esmeuvent  les  hommes  mortels  a  compassion.  Ostons  donc  toutes  ces  choses  qui  se  presentent  devant  nos  yeux,  et  par  lesquelles  nous  sommes