26:61  61  SUR  LE  DEUTER.  CHAP.  III.  62  ceciest-il  de  nostre  subtilite?  est-il  de  nostre  force?  Nenni,  c'est  Dieu  qui  y  a  besongne.  Car  quand  nous  aurons  bien  examine  tout  ce  qui  est  en  nous  :  nous  trouverons  que  nous  defaillons  en  toutes  sortes,  et  qu'il  faut  que  depuis  un  bout  iusques  a  l'autre,  nostre  Seigneur  face  tout  ce  qui  est  en  l'homme.  Aussi  ce  que  Moyse  recite  des  ennemis  corporels  des  enfans  d'Israel,  quant  aux  forces  de  ce  monde,  il  nous  le  faut  appliquer  a  la  force  de  Satan,  et  toutes  ses  munitions  qu'il  ha  contre  nous.  Quand  nous  aurons  ceste  discretion-la,  nous  aurons  dequoy  magnifier  la  grace  de  Dieu  envers  nous:  quand  nous  penserons  bien  dont  nous  sommes  sortis,  assavoir  des  abysmes  d'enfer.  Car  qui  est  celuy  de  nous  qui  eust  peu  rompre  les  verroux,  et  les  liens  de  Satan?  et  qui  eust  peu  mesme  abolir  l'empire  de  mort?  Il  falloit  bien  que  Dieu  besongnast  la.  Or  est-il  ainsi  que  nous  estions  tous  enclos  en  servitude  de  peche:  et  par  consequent  la  mort  dominoit  sur  nous:  Satan  y  avoit  sa  possession  ,  sans  que  nul  en  peust  eschapper  :  nous  ne  pouvions  pas  remuer  ne  bras  ne  iambes,  sinon  pour  nous  precipiter  tousiours  plus  avant,  et  nous  enfoncer  plus  profond.  Puis  qu'ainsi  est,  cognoissons  que  quand  Dieu  nous  a  fait  sortir  de  la  malediction  en  laquelle  nous  sommes  tous  de  nature,  qu'il  faut  bien  que  sa  grace  ait  besongne  en  cest  endroit.  Et  ce  n'est  point  pour  un  coup,  comme  Moyse  parle  ici  de  soixante  villes.  Ainsi  cognoissons,  que  quand  nous  serons  venus  a  bout  d'un  combat,  qu'il  nous  faudra  entrer  en  l'autre.  Auiourd'huy  nous  serons  aidez,  et  quand  Dieu  ne  poursuyvra  iournellement,  voire  a  chacune  minute  de  temps  s'il  ne  nous  fait  sentir  son  aide,  que  sera-ce?  Quand  nous  aurions  eu  mille  victoires,  il  ne  faudra  qu'un  assaut  pour  nous  ruiner.  Apprenons  donc  de  magnifier  la  bonte  de  Dieu  envers  nous.  Et  cependant  notons  aussi,  que  quand  Moyse  parle  ici  de  la  force  d'Og  Roy  de  Basan,  il  dit:  Voici  il  ha  son  lieu  comme  un  geant,  qu'il  dit,  qu'il  estoit  venu  de  la  lignee  des  Bephains.  Qui  est  pour  monstrer  de  plus  en  plus,  que  le  peuple  estoit  la  comme  une  brebis  en  la  gueule  du  loup.  Or  si  cela  a  este  de  ce  temps-la,  auiourd'huy  que  sera-ce?  Car  nous  avons  des  ennemis  qui  sont  plus  forts,  et  plus  robustes  en  comparaison  de  nous  que  n'ont  point  eu  les  Israelites,  quand  ils  devoyent  entrer  en  la  terre  de  Canaan.  Il  semble  qu'ils  nous  doivent  manger  a  un  grain  de  sel,  comme  on  dit,  nous  voyons  les  trahisons,  et  conspirations  qui  se  font:  nous  voyons  que  d'autant  plus  que  Dieu  se  monstre  benin  et  favorable  envers  nous,  qu'il  semble  que  nous  prenions  plaisir  a  le  despiter,  et  a  reietter  sa  grace.  Et  pourtant  advisons,  si  nous  voulons  que  Dieu  nous  donne  victoire  contre  Satan,  et  contre  tous  ses  efforts,  de  mediter  ceste  doctrine.  Et  sur  tout,  quand  nous  aurons  conclu  que  Dieu