22:61  61  INSTRUCTION  ET  CONFESSION  DE  FOY.  62  mais  par  les  grandes  misericordes  du  Seigneur,  affin  quil  nous  exaulce  pour  lamour  de  soy  mesmes,  pourtant  que  son  nom  est  invoque  sur  nous.  Et  ne  nous  doibt  ceste  cognoissance  de  nostre  misere  nous  repoulser78)  de  laccez  de  Dieu,  veu  que  orayson  nest  pas  instituee  pour  nous  eslever  arrogamment  devant  Dieu,  ne  pour  exalter  nostre  dignite,79)  mais  pour  confesser  et  gemir  noz  calamitez,  comme  les  enfans  envers  les  peres  familierement  exposent  leurs  compleinctes.  Mesmes  plustost  un  tel  sentiment  nous  doibt  estre  comme  un  esperon80)  pour  nous  inciter  et  picquer81)  davantage  a  prier.  Or  il  y  a  deux  choses  qui  nous  doyvent  merveilleusement  esmouvoir  a  oraison  :  premierement  le  mandement  de  Dieu  par  lequel  ii  nous  commande  de  prier.  Puis  la  promesse  par  laquelle  il  nous  asseure  que  nous  impetrerons  tout  ce  que  nous  luy  demanderons.  Car  ceulx  qui  linvoquent  et  requierent  recoivent  une  singuliere  consolation,  dautant  quilz  cognoissent  que  en  ce  faisant  ilz  font  une  chose  a  luy  agreable.  Derechief  se  asseurans  de  sa  verite  ilz  se  conflent  certainement  destre  exaulcez.  Demandez  (dict-il,  Math.  7)  et  il  vous  sera  donne,  hurtez  et  il  vous  sera  ouvert,  cherchez  et  vous  trouverez:  et  au  Pseaulme  50:  Invocque  moy  au  iour  de  ta  necessite,  et  ie  te  delivreray  et  tu  me  glorifieras.  Ou  mesme  il  a  comprins  les  deux  especes  dorayson,82)  cest  a  scavoir  invocation  ou  requeste,  et  action  de  graces.  Par  la  premiere  nous  descouvrons  devant  Dieu  les  desirs  de  noz  cueurs.  Par  lautre  nous  recognoissons  ses  biensfaictz  envers  nous.  Et  nous  avons  a  user  de  lune  et  de  lautre  assiduellement,  car  nous  sommes  pressez  de  telle  pouvrete  et  indigence  que  cela  doibt  estre  assez  de  matiere  aux  plus  parfaictz  de  souspirer  et  gemir  assiduellement,  et  en  toute  humilite  invoquer  le  Seigneur.  Dautre  part  les  largesses  que  nostre  Seigneur  espand  sur  nous  par  sa  bonte  sont  si  amples  et  quelque  part  que  nous  regardions  les  miracles  de  ses  oeuvres  apparoissent  si  grans,  que  iamais  matiere  de  louanges  et  action  de  graces  ne  nous  peult  faillir.  Lexposition  de  lorayson  dominicale.  Davantage  ce  Pere  de  clemence,  oultre  ce  quil  nous  admoneste  et  exhorte  que  le  cherchions  en  toute  necessite,  toutesfois  voyant  encores  que  nous  ne  cognoissons  point  assez  ce  quavons  a  demander  78)  deterrere.  79)  aliquid  nostrum.  80)  add.  et  stimuli.  81)  et  picquer  om.  82)  add.  breviter  sed  eleganter.