21:61  61  PAR  NICOLAS  COLLADON.  62  n'ont  peu  obtenir  iusques  a  present  pour  leur  Eglise.  Il  lisoit  aussi  en  Theologie  avec  grande  admiration  d'un  chacun,  et  avoit  pour  cette  profession  de  [6  5]  Theologie  gages  honnestes  de  la  seigneurie  de  Strasbourg.  Apres  son  depart  de  la  ville  de  Geneve,  comme  ainsi  fust  que  selon  le  premier  usage  on  eust  accoustume  en  cest  Eglise  de  faire  la  Cene  avec  pain  commun,  aucuns  sans  cause  mirent  en  avant  des  oublies.  Ce  qui  bailla  occasion  a  quelques  uns  des  bons  de  se  fascher,  iusques  a  s'abstenir  de  la  Cene,  et  faire  plaintes  d'un  tel  changement:  dont  mesmes  aucuns  furent  contraints  de  s7absenter  de  la  ville.  Mais  Calvin  estant  adverti  de  la  chose,  comme  il  ne  trouvoit  pas  bon  le  changement  fait  sans  raison,  aussi  il  tanca  bien  vivement  l'imprudence  de  ces  bonnes  gens,  qui  pour  si  peu  de  chose  se  scandalisoyent,  et  laissoyent  de  participer  a  la  saincte  Cene.  Et  de  fait,  estant  depuis  Pasteur  en  ceste  Eglise  l'espace  de  vingt  et  trois  ans,  et  iusques  a  la  mort,  vray-est  qu'il  a  souvent  declaire,  quand  le  propos  s'y  est  addonne,  1)  que  le  meilleur  seroit  de  suivre  ce  qui  est  le  plus  simple,  assavoir  d'user  du  pain  commun:  mais  neantmoins  il  n'a  point  combatu  sur  le  changement,  sachant  que  la  chose  estoit  indifferente  en  soy,  et  qu'il  y  avoit  d'autres  poincts  de  plus  grande  importance,  a  l'observation  desquels  il  faloit  insister.  Or  pour  revenir  a  la  suitte  de  l'histoire,  en  ce  temps-la,  assavoir  l'an  1539,  le  Cardinal  Sadolet  escrivit  aux  Syndiques,  Conseil  et  citoyens  de  la  ville  de  Geneve  une  longue  epistre,  en  datte  du  18  de  Mars,  les  amadouant  de  belles  paroles  pour  les  destourner  de  Iesus  Christ,  et  blasmant  les  Ministres  desquels  Dieu  s'estoit  servi  a  y  reformer  l'estat  de  la  religion.  Il  pensoit  bien  avoir  trouve  occasion  de  gaster  quelque  chose,  a  cause  de  l'absence  de  Calvin;  car  c'estoit  un  an  apres  qu'il  avoit  este  chasse  de  Geneve.  Mais  iceluy  quelque  temps  apres,  en  ayant  eu  les  nouvelles  a  Strasbourg,  tesmoigna  l'affection  qu'il  portoit  a  la  ville  de  Geneve,  et  maintint  la  cause  d'icelle,  ou  plustost  la  verite  de  Dieu  contre  ce  renard,  par  une  longue  et  docte  epistre  qu'il  luy  rescrivit,  laquelle  se  trouve  imprimee  parmi  ses  oeuvres  tant  en  Francois  qu'en  Latin,  datee  de  Strasbourg  le  premier  iour  de  Septembre  1539.  Lors  aussi,  il  revit  et  augmenta  son  Institution  Chrestienne,  qu'il  fit  reimprimer,  et  fut  mise  en  lumiere  le  1  d'Aoust  audit  an.  Davantage  il  commenca  a  escrire  [6  6]  sur  sainct  Paul,  dediant  son  Commentaire  de  l'Epistre  aux  Romains  a  M.  Simon  Grynee,  le  plus  docte  des  Alternans,  et  son  grand  ami.  La  datte  dudit  Commentaire  est  de  l'an  1539,  le  18  d'Octobre.  Aussi  il  escrivit  en  Francois  1)  quand  l'occasion  l'a  porte  F.