11:61  1540  IULI  deputes,  sed  quum  tvvota  meae  quam  ex  scriptis  tuis  erga  te  concepi,  tum  amico  isti  communi,  harum  latori,  qui,  ut  gallicae  linguae  pariter  et  latinae  gnarus,  conciones  tuas  et  lectiones  satis  commendare  nequit.  Merito  felix  praedicanda  est  urbs  vestra,  cui  hoc  datum  est  ut  non  solum  germanica  sed  et  gallica  lingua,  ut  scripta  latina  taceam,  causam  veritatis  tueatur  et  promoveat.  Frater  hic,  magister  Laurentius,  mihi  iam  olim  summa  coniunctus  amicitia,  sincerus  est  veritatis  amator,  et  hoc,  ut  intelligo,  studii  habet,  ut  auditorium  tuum  apud  dominicastros  dominicis  diebus  reddat  quam  poterit  frequentissimum.  Ad  quam  rem  et  appositus  est,  hoc  maxime  nomine,  quod  quum  in  Lotharingia,  communi  nostra  patria,  tum  in  Gallia  plurimum  familiaritatis  habet  cum  his  praesertim  qui  rerum  potiuntur,  et  quorum  mentes,  si  bene  instituerentur,  apud  eam  gentem  haud  parum  efficere  possent.  Hunc  tu,  quaeso  per  Christum,  viri  animum  pro  tua  diligentia  piis  adhortationibus  fove  et  provehe.  Epistolam  ad  Romanos  commentariis  tuis  tam  eruditis  quam  piis  illustratam  vidi  et  probavi.  Addat  Dominus  isti  tuae  menti  incrementum  virtutis  suae.  De  Gebennensis  ecclesiae  calamitate  audimus  hic  satis  periculosa.  Obsecro,  si  quid  certi  de  illius  statu  admodum  exulcerato  habes,  quum  opportunum  fuerit  ad  me  scribas.  Iam  dudum  enim  multum  mihi  ea  ecclesia  sollicitudinis  in  Domino  peperit,  propter  singularem  dilectionem,  quam  erga  illam  ab  eo  tempore  concepi  quo  primum  Christi  evangelium  amplexa  est.  Maxime  vel  hoc  scire  cupio,  quomodo  se  illius  ministri  in  Domino  gerant  et  quid  in  istis  tumultibus  possint  vel  non  possint,  et  quis  sit  illorum  numerus  et  quae  nomina.  Tibi  credo  haec  omnia  nota  esse  ut  qui  olim  isti  ecclesiae  praefueris.  Si  quando  ad  me  scripturus  es,  id  quod  facies,  per  Christum  te  oro,  potes  uti  opera  amici  huius,  qui  tuas  mihi  et  meas  tibi  fideliter  redditurus  est,  ut  interea,  dum  hic  haerere  cogor,  mutuo  literario  colloquio  fruamur,  donec  coram  apud  vos  (nam  ad  ecclesiam  vestram  iam  secundo  revocatus  sum)2)  amicitiam  in  Domino  provehamus.  Commendo  me  et  ecclesiam  nostram  precibus  tuis,  frater  carissime.  Bene  vale.  Augustae  Vindelicorum  1540  Iulii  23.  Wolfgangus  Musculus  tuus  in  Domino  totus.  2)  scil.  Vtndelicis  ad  tempus  tantum  a  magistratu  Argmtoratensi  concessus��