10.1:61  ORDONNANCES.  nuict  au  pain  et  a  Peau  a  cause  de  sa  rebellion,  et  celuy  qui  tournera  telle  paine  en  mocquerie  ou  qui  ne  se  corrigera  point  de  sa  mauvaise  coustume,  soit  pugny  de  trois  iours  de  prison,  comme  dict  a  este.  Que  les  tesmoings  qui  auront  ouy  telz  sermens  frivoles  exhortent  celuy  qui  aurafailly,  d'obeyr  quant  on  l'aura  averty  de  baiser  terre.  Que  ceulx  quine  feront  point  leur  debvoir  ou  qui  le  vouldront  maintenir  soient  pugnis  de  semblable  paine  que  le  delinquant.  Des  blasphemes.  Que  nul  n'ayt  a  blasphemer  le  nom  de  Dieu:  quiconques  le  fera  soit  ung  iour  et  une  nuict  en  prison  au  pain  et  a  l'eau,  et  a  la  sortie  vienne  demander  pardon  a  Dieu  a  la  porte  du  temple  le  plus  prochain  du  lieu  ou  il  aura  delinque  et  ce  a  deux  genoilz,  la  teste  nue,  en  presence  de  quelqun  de  la  iustice,  oultre  cela  paie  ung  florin  d'amende,  la  moitie  applicque  a  l'hospital  et  l'autre  moitie  a  la  banche.  Pour  la  seconde  fois,  qu'il  y  ait  prison  de  trois  iours  au  pain  et  a  l'eau,  et  qu'il  demande  pardon  a  Dieu  a  l'issue  du  sermon,  et  si  sa  faculte  le  porte  qu'il  y  ayt  amende  de  cinq  florins.  S'il  continue  ne  s'amendant  point,  oultre  telles  punitions,  qu'il  soit  banny  de  la  ville  pour  demy  an,  et  ceulx  qui  seroient  en  office  publicque  deposez  pour  ung  an  de  tout  honneur.  Que  les  tesmoings  qui  auront  ouy  telz  blasphemes  soient  tenus  le  revellcr  sur  paine  d'estre  pugnis  comme  le  delinquant.  De  despiter  Dieu.  Que  nul  n'ayt  a  despitter  le  nom  de  Dieu  sur  paine  d'estre  mis  au  colier  par  l'espace  de  trois  heures  et  de  la  en  prison  au  pain  et  a  l'eau  iusques  au  dimenche  prochain  et  que  lors  il  soit  amene  a  la  porte  de  l'eglise  pour  demander  pardon  a  Dieu,  la  torche  au  poing:  Quiconques  y  retournera  pour  la  seconde  fois,  qu'il  soit  fletry  et  banny  de  la  ville.  Des  renoncemens  de  Dieu.  Quiconques  aura  renonce  Dieu,  qu'il  soit  mis  au  colier  par  l'espace  de  six  heres,  de  la  mene  par  les  carrefours  la  torche  au  poing  pour  faire  amende  honorable,  puis  fletry  au  front  et  banny  a  perpetuite.  Que  les  hostes  n'ayent  a  souffrir  et  encores  moins  a  receller  les  blasphemes  faictz  en  leurs  logis,  sur  paine  de  tenir  prison  trois  iours  au  pain  et  a  l'eau  et  paier  cinq  florins  d'amende.