9:609  609  A  UN  HOLANDOIS.  610  tres,  et  en  derogant  au  service  de  Dieu  et  a  la  pure  confession  de  leur  Chrestiente  ils  se  polluoyent  en  beaucoup  d'abominations.  Et  c'est  pourquoy  il  leur  propose  l'exemple  des  enfans  d'Israel.  Et  conclud  qu'ils  ont  este  punis  pour  nous  donner  exemple,  afin  que  nous  ne  leur  ressemblions  pas  (1.  Cor.  10,  11).  Mais  pource  que  les  Corinthiens  pouvoyent  avoir  une  replique,  qu'ils  ne  se  presentoyent  point  a  l'autel  pour  sacrifier,  il  leur  remonstre  que  les  enfants  d'Israel  sont  condamnez  comme  idolatres  par  Moyse,  non  pas  seulement  pour  avoir  adore  le  veau  d'or,  mais  pour  avoir  mange  de  la  chair  qui  luy  estoit  dcdiee,  et  avoir  mene  danses  et  autres  badinages  en  signe  de  devotion  (1.  Cor.  10,  7).  Car  quand  il  est  parle  de  manger,  et  de  boire,  et  de  se  iouer,  tout  cela  n'emporte  qu'une  solennite  qui  se  faisoit  en  l'honneur  du  veau.  Ainsi  il  les  exhorte  a  fuir  idolatrie  (1.  Cor.  10,  14),  non  pas  interieure,  mais  laquelle  se  commet  devant  les  hommes.  Puis  en  disant  qu'il  parle  a  gens  entendus  (ibid.  v.  15),  il  leur  remonstre  qu'on  ne  peut  accorder  de  communiquer  a  la  Cene  de  nostre  Seigneur  Iesus  Christ,  et  a  la  table  des  idoles  (ibid.  v.  2i):  veu  que  ce  sont  choses  par  trop  repugnantes  et  du  tout  incompatibles.  Nous  voyons  donc  qu'il  taxe  la  notamment  sous  le  nom  d'idolatrie  [page  44]  tout  ce  qui  en  avoit  apparence,  et  ne  pouvoit  estre  autrement  pris.  De  la  il  revient  a  son  propos  general,  et  respond  a  ce  que  les  Corinthiens  luy  pouvoyent  alleguer,  a  savoir,  qu'il  sembloit  qu'il  eust  les  idoles  en  quelque  estime,  ou  qu'il  leur  attribuast  quelque  vertu:  puis  qu'il  disoit  qu'un  acte  exterieur  polluoit  les  hommes  et  les  retranchoit  de  la  compagnie  des  fideles.  Il  leur  declare  donc,  puis  que  les  Payens  sacrifient  a  leurs  phantosmes,  qu'ils  ne  leur  doivent  nullement  tenir  compagnie.  Comme  auiourd'huy  nous  disons,  puis  que  les  Papistes  commettent  en  leur  Messe  beaucoup  de  sacrileges  detestables,  que  celuy  qui  est  leur  compagnon  en  tel  acte,  et  entre  en  ceste  abomination,  se  separe  de  Iesus  Christ.  Apres  S.  Paul  poursuit  le  propos  general,  disant  qu'en  choses  indifferentes,  et  qui  de  leur  nature  seroyent  permises,  nous  devons  regarder  ce  qui  edifie:  a  savoir,  pour  amener  les  ignorans  a  la  crainte  de  Dieu  et  la  pure  religion,  et  d'y  confermer  ceux  qui  desia  y  sont  introduits.  Surquoy  il  conclud  que  tout  ce  qui  destourne  noz  prochains  du  service  de  Dieu,  et  leur  engendre  quelque  erreur  ou  scrupule,  est  inexcusable.  Or  puis  que  flechir  le  genouil  devant  un  marmouset  tire  les  povres  ignorans  en  doute  et  les  embrouille  en  une  fole  opinion  qu'on  doit  porter  reverence  aux  idoles,  il  s'ensuit  que  nous  parlons  selon  la  pure  intention  de  S.  Paul,  comme  par  sa  bouche  propre.  Ce  qu'il  amene  puis  apres,  n'est  que  pure  ca-  Calvini  opera.  Vol.  IX.