7:609  609  REFORMANDAE  RATIO.  610  mium  addictus  esset.  Unde  patet,  tale  venditionis  genus  sub  legis  mandatis  contineri.  Idem  et  de  virginitate  sentiendum.  Videre  enim  quisque  debet  quid  sibi  datum  sit,  ne  quis  incontinentia  laborans,  dum  caelibatam  appetit,  cum  Deo  luctetur.  Deinde,  qui  continentiae  dono  praeditus  est,  placere  sibi  non  debet  cum  suo  caelibatu,  quasi  genus  videndi  colat  aliis  perfectius.  Neque  enim  virginitas,  quasi  per  se  virtus  sit,  laudatur:  sed  dum  refertur  in  suum  finem:  ut  liberius,.avocamentis  omnibus1)  soluti,  studia  nostra  et  curas  omnes  conferamus  in  Dei  obsequium.  Et  cur  stipendio  abstinuit  Paulus,  nisi  ut  obviam  iret  pseudoapostolorum  malitiae,  qui  ideo  nihil  poscebant,  ut  infamiam  crearent  eius  ministerio,  vel  saltem  autoritati  detraherent?  Quid  autem,  obsecro,  praeter  officii  sui  modum  supererogat  minister,  dum  nihil  praetermittit,  quod  ad  ecclesiae  utilitatem  facturum  videt?  Non  potuit  aliter  facere  Paulus,  quin  se  et  apostolatum  suum  improborum  ludibrio  exponeret.  Quid  ergo  fecit,  primum  quod  non  debuerit,  deinde  quod  non  esset  ex  Dei  praescripto?  Iactant  etiam  exemplum  Davidis,  qui  coram  arca  saltavit.  Verum,  quid  hoc  ad  commentitios  cultus  stabiliendos?  Nam  si-novum  quempiam  cultum  erigere  in  animo  habuit  David,  quis  eius  temeritatem  excuset,  quum  rem  tam  severe  a  Domino  prohibitam  aggressus  sit?  Lex  certe  illa  communis  erat  omnium:  ne  facerent  quod  singulis  placeret,  sed  tantum  quod  [pag.  103]  Dominus  praeceperat  (Deut.  12,  8).  Si  quid  ergo  ad  mandatum  de  suo  addidit  David,  perperam  ausus  est  plus  quam  licebat.  Si  fatemur  peccasse:  quid  imitatores  iuvat  perversum  exemplum?  Ego  vero  non  concedo,  hoc  animo  saltasse  Davidem,  ut  cultum  sibi  non  mandatum  Deo  exhiberet.  Satis  scitur,  caeremonias  ita  pietatis  fuisse  exercitia,  ut  non  tam  ex  se,  quam  ex  fine  aestimarentur.  Quid  ergo  sibi  aliud  voluit  illa  Davidis  saltatio,  nisi  ut  arcam  Domini  magnifice  in  locum  cQeHtus  illi  destinatum  et  consecratum  deduceret?  Quanquam  non  dubium  est,  quin  peculiari  spiritus  instinctu  huc  adductus  fuerit:  quod  in  extraordinariis  sanctorum  factis  semper  observandum  est.  Verum,  ne  quis  calumnietur,  nos  in  rebus  externis  nimium  esse  morosos,  qui  adeo  praecise  tollamus  omnem  libertatem:  hic  testatum  velim  piis  lectoribus,  me  non  de  caeremoniis  litigare,  quae  decoro  tantum  et  ordini  serviunt:  vel  etiam  symbola  sunt  et  incitamenta  eius,  quam  Deo  deferimus,  reverentiae.  Nobis  enim  de  operibus  disputatio  est,  quae  per  se  Deo  placere  fingunt  mediatores,  et  quibus  eum  rite  coli  affirmant.  Nam  quum  illis  de  1)  de  tous  destourbier.  Calvini  opera.  Vol.  VII.