6:609  AUX  NICODEMITES.  personne  pour  1a  desployer  contre  tous  ses  membres.  Le  peuple  est  esmeu  aussi  bien:  en  sorte  que  Nicodeme  estoit  asseure,  qu'en  se  monstrant  disciple  ou  amateur  de  Iesus  Christ,  il  suscitoit  la  fureur  de  tout  le  monde  contre  soy.  Neantmoins  il  en  faict  profession  evidente  devant  tous.  Il  ne  craint  point  la  honte  et  l'opprobre.  Il  ne  craint  point  la  haine.  Il  ne  craint  point  le  tumulte.  Il  ne  craint  point  les  persecutions.  Voila  Nicodemiser:  si  nous  prenons  Nicodeme  Chrestien,  et  non  pas  en  son  ignorance,  devant  qu'il  sceust  que  c'estoit  de  Iesus  Christ.  Mais  quoy?  Ceux  cy  veulent  ensuyvre  ce  qu'a  faict  Nicodeme  du  temps  de  son  infidelite.  Mais  a  l'exemple,  qu'il  leur  monstre  apres  avoir  congneu  Iesus  Christ,  ilz  n'y  veulent  entendre.  Somme,  Nicodeme  est  venu  a  Iesus  Christ  de  nuict,  du  temps  de  son  ignorance.  Apres  avoir  este  instruict,  il  le  confesse  apertement  de  iour:  voire  a  l'heure  qu'il  y  avoit  plus  grand  peril  que  iamais:  parquoy  ceux  qui  se  couvrent  de  son  exemple,  luy  font  grande  iniure,  et  ne  profitent  non  plus,  que  si  un  persecuteur  [fol.  25]  de  la  Chrestiente  s'excusoit  sur  sainct  Paul.  Et  n'a  pas  este  en  cest  acte  seul,  que  Nicodeme  avec  grand  danger  de  sa  personne  s'est  monstre  Chrestien.  Desia  il  commenca  de  se  hazarder  pour  Iesus  Christ,  quand  en  l'assemblee  des  meschans,  il  soustint  contre  tous,  qu'on  ne  le  devoii  condamner  sans  congnoissance  de  cause.  Il  est  vray  qu'il  ne  faisoit  pas  encor  confession  entiere.  Mais  si  estoit-ce  beaucoup  s'avancer,  de  resister  luy  seul  a  l'impetuosite  furieuse  de  tous  les  iniques.  Maintenant  il  y  aura  en  une  assemblee  trois  ou  quatre  de  ces  Nicodemites,  qui  souffriront  sans  sonner  mot,  qu'un  povre  Chrestien-soit  cruellement  condamne  a  mort.  Et  Dieu  vueille  que  nul  d'eux  n'y  consente.  Voila  donc  la  vraye  facon  de  Nicodemiser.  C'est  de  se  confermer  avec  le  temps  pour  s'avancer  iournellement  a.  donner  gloire  a  Dieu.  Possible  qu'en  un  poinct  on  leur  pourroit  accorder  qu'ilz  ressemblent  a  Nicodeme.  C'est  qu'ilz  ensevelissent  maintenant1)  Iesus  Christ,  comme  il  a  faict  une  fois.  Mais  il  y  a  grande  difference  entre  les  deux  sepultures.  Car  Nicodeme  a  seulement  ensevely  le  corps  et  l'a  embaume,  afin  que  l'odeur  en  fust  bonne  et  pretieuse.2)  Ceux  cy  ensevelissent  corps  et  ame,  humanite  et  divinite.  Et  le  tout  sans  honeur.  Nicodeme  l'a  ensevely  pendant  qu'il  estoit  mort.  Ceux  cy  le  veulent  enterrer  apres  qu'il  est  resuscite.  Ainsi  qu'ilz  se  deportent  doresnavant  de  faire  un  bouclier  de  Nicodeme,  pour  dire  qu'il  leur  soit  licite  de  dissi-  1)  maintenant,  manque  1551  suiv.  et  dans  la  traduction.  2)  et  l'a  embaume  etc.  Le  traducteur  dit  simplement:  et  pretiosis  aromatibus  unxit.  Calvini  opera.  Vol.  V  L