5:609  ACTES  DE  RATISBONNE.  sent  en  Grece,  en  Iudee,  et  par  tout  hors  l'Eglise  Romaine,  ou  il  y  a  des  chrestiens,  il  fauldra  incontinent  abolir  ceste  defence  du  Sacrement  entier,  et  permettre  a  tous  la  pleine  communication:  a  scavoir,  tant  du  Calice  que  de  l'aultre  partie,  comme  aussi  le  conseille  le  Livre  presente  par  l'Empereur.  D'avantage,  pource  qu'on  ne  peult  bien  et  utilement  administrer,  tant  la  doctrine  que  les  Sacremens:  sinon  que  les  Eglises  ayent  Ministres  propres  et  zelateurs  de  la  gloire  de  Dieu:  il  sera  expedient  par  tout  l'Empire,  qu'on  laisse  en  la  liberte  d'une  chascune  Eglise,  et  d'un  chascun  estat,  de  chercher  et  prendre  telz  Ministres  qui  administrent  droictement  et  purement,  tant  la  doctrine  que  les  Sacremens,  selon  la  maniere  dessus  dicte  et  iouxte  les  articles  qu'on  aura  passe.  En  quoy,  les  Evesques  et  aultres,  qui  auront  puissance  ecclesiastique  ou  seculiere,  devront  ayder  les  estatz  et  que  nul  ne  les  empesche.  Tiercement,  pource  que  nul  ne  se  peult  deuement  employer  a  faire  son  office,  sinon  qu'on  luy  pourveoye  de  ses  necessitez,  il  fauldra  aussi  trouver  en  cest  endroict  quelque  moyen  raisonnable  tant  que  faire  se  pourra,  pour  le  commencement,  comme  il  a  este  dict,  de  la  provision  [fol.  119]  des  escolles.  Item,  Pource  que  c'est  une  chose  tant  repugnante  a  honnestete  naturelle,  et  encore  plus  a  la  loy  de  Dieu,  et  aux  decretz  ecclesiastiques,  d'avoir  des  Pasteurs  concubinaires  ou  souillez  de  quelque  aultre  impudicite:  D'aultre  part,  pource  qu'on  n'en  peult  auiourdhuy  trouver  de  propres  au  ministere,  qui  ne  soyent  entachez  de  ceste  villanie,  sinon  qu'il  leur  soit  loisible  de  se  marier:  la  necessite  requiert,  et  nous  contrainct  inevitablement,  de  ne  point  interdire  aux  Ministres  le  sainct  Mariage,  et  de  remettre  la  defence  des  Canons  posterieurs  en  ceste  partie,  en  laquelle  ilz  n'accordent  point  a  la  parolle  de  Dieu,  et  aux  plus  anciens  Canons,  qui  sont  meilleurs:  affin  que  aux  poinctz  principalz  de  ceste  matiere,  tous  les  Canons,  tant  anciens  que  nouveaux,  et  mesmes  celuy  de  Dieu,  soyent  restituez  et  observez:  lesquelz  on  a  si  long  temps  viole,  avec  tresgrande  ruyne  et  irreparable  de  la  Religion:  c'est  a  scavoir,  qu'on  ne  commette  point  les  sainctz  mysteres  de  Dieu  a  dispenser  a  ceux,  avec  lesquelz  il  n'est  pas  licite  a  un  homme  chrestien  de  boire  ne  menger,  et  avec  lesquelz  communiquer  spirituellement,  c'est  aussi  grand  peche  que  idolatrie  ou  sorcelerie.  Finalement,  affin  que  durant  ces  commencemens  de  reformation  l'un  n'invade  point  les  biens  ou  droictz  de  l'aultre,  et  que  ainsi  tout  peril  de  nouveaute  illicite  soit  reprime:  il  fauldra  icy  presentement  du  consentement  des  deux  parties  ordonner  et  establir  un  iugement  de  la  chambre,  droict  Calvini  opera.  Voi.  F.