49:609  609  SUR  L'EPITRE  AUX  CORINTHIENS.  610  la  presence  de  Dieu.  Et  cela  cependant  devoit  servir  pour  toute  leur  vie  d'advertissement,  qu'ils  fussent  tousiours  temperans  en  leur  nourriture,  comme  si  Dieu  les  regardoit  :  selon  aussi  que  Moyse  en  parle,  disant,  Tu  t'esiouiras  devant  la  face  de  ton  Dieu.  Voyla  donc  de  quoy  a  servi  ce  qu'avec  les  sacrifices  il  y  avoit  des  banquets  adioustez:  c'est  que  les  fideles  apprinsent  de  prendre  leur  repas  et  refection  comme  si  Dieu  les  regardoit:  et  qu'ils  fussent  retenus  en  sa  crainte,  et  solicitez  de  luy  rendre  graces,  comme  estans  nourris  de  sa  pure  liberalite.  Il  y  a  davantage,  que  nostre  Seigneur  par  ce  moyen  induisoit  le  peuple  a  concorde  et  fraternite:  car  nous  scavons  que  les*  hypocrites  feront  bien  semblant  de  servir  Dieu,  et  feront  assez  d'agios,  'mais  ils  nourrissent  toute  cruaute  en  leur  courage:  il  n'y  a  que  malice,  ambition,  avarice  et  rapines:  et  s'ils  ne  sont  pleins  de  finesse,  ils  sont  pleins  de  rage:  comme  en  la  Papaute  ceux  qui  feront  semblant  d'estre  les  plus  devots,  ce  seront  ceux  qui  auront  moins  de  pitie  en  eux.  Celuy  qui  fera  bastir  un  temple,  et  qui  n'espargnera  point  mille  escus  en  cest  endroit,  a  grand  peine  oseroit-il  donner  un  escu  en  aumone.  Or  Dieu  au  contraire  a  voulu  faire  pratiquer  a  son  peuple,  ce  qu'il  dit  par  son  Prophete  Osee,  l'aime  mieux  misericorde  que  sacrifices.  Quand  donc  les  fideles  estoyent  enseignez  par  la  Loy,  de  prendre  leur  repas  ensemble,  apres  avoir  offert  les  sacrifices,  c'estoit  pour  s'unir  et  pour  estre  advertis  que  Dieu  veut  qu'ils  le  tienent  pour  leur  Pere:  et  que  luy  estans  vrais  enfans,  ils  apprinsent  d'avoir  vraye  union  fraternelle,  les  uns  avec  les  autres,  pour  s'aider  et  secourir.  Mais  les  Payens  sans  discretion  ont  contrefait  tout  ce  que  Dieu  avoit  commande.  Et  voyla  comme  Satan  trouvera  bien  tousiours  quelque  artifice,  que  les  incredules  auront  quelque  apparence  et  similitude  qui  se  rapportera  a  ce  que  Dieu  approuve  en  sa  Loy:  il  semblera  qu'il  y  ait  quelque  conformite,  mais  cela  n'est  que  pour  esblouir  les  yeux.  Les  Payens  donc  en  cest  endroit  ont  este  comme  singes,  quand  ils  ont  eu  des  banquets  en  leurs  sacrifices:  car  ils  ne  scavoyent  pourquoy.  Et  cependant  il  n'a  point  este  question  entr'eux  de  s'esiouir  comme  en  la  presence  de  Dieu,  et  luy  faire  recognoissance  et  hommage  de  tous  les  benefices  qu'on  recevoit  de  luy  :  mais  ils  ont  cuide  en  gourmandant  estre  bien  devots:  et  la  dessus  encores  se  sont-ils  desbordez  a  une  chose  vileine  et  comme  brutale:  car  ils  ont  eu  beaucoup  d'especes  de  ieux  et  des  ieux  vileins  et  infames:  et  toutesfois  entr'eux  cela  estoit  permis.  Il  n'estoit  pas  licite  de  veoir  des  danses  impudiques  en  une  maison,  mais  on  les  faisoit  en  public  en  l'honneur  des  idoles.  De  veoir  des  hommes  tous  nuds  et  des  putains  qui  venoyent  la,  c'estoit