48:609  609  DE  L'ASCENSION.  610  Mais  c'est  des  choses  qu'il  se  reserve  a  part  et  desquelles  la  cognoissance  nous  est  interdite.  Or  il  nous  a  declare  les  choses  qui  sont  selon  Tordre  de  nature  et  comme  il  doit  faire  froid  en  hyver  et  chaut  en  este.  Que  si  quelquesfois  nous  voyons  de  grands  froids  en  este,  cognoissons  que  cela  vient  de  nos  pechez  qui  pervertissent  l'ordre  de  nature,  et  que  pour  l'enormite  d'iceux  nous  meritons  bien  que  tout  soit  perverti,  mais  que  neantmoins  Dieu  ne  laisse  pas  d'y  remedier.  Ainsi  donc,  puis  que  Dieu  nous  a  declare  cela,  il  ne  se  l'est  pas  reserve  a  luy  seul.  Car  ii  ne  veut  point  que  nous  imaginions  de  sa  puissance  comme  d'une  puissance  excessive:  mais  ce  qu'il  nous  veut  estre  incognu,  il  le  retient  tellement  qu^il  ne  vient  point  iusques  a  nous.  Suyvant  cela  donc  Iesus  Christ  disoit,  ce  n'est  pas  a  vous  de  cognoistre  ce  que  le  Pere  a  mis  en  sa  puissance.  Comme  s'il  disoit:  Contentezvous  de  ce  que  ie  vous  declare  et  demeurez  la  :  car  si  vous  voulez  entrer  en  dispute,  et  vous  enquerir  de  ce  qu'il  vous  veut  estre  cache,  ce  ne  vous  sera  que  confusion:  veu  qu'il  ne  vous  a  rien  espargne  qu'il  ne  vous  ait  declare  tout  ce  qui  vous  est  expedient  de  cognoistre.  Si  donc  nous  voulons  exceder  cela,  c'est  comme  le  vouloir  despiter.  Voyla  que  nous  devons  noter  de  ce  passage,  c'est  ascavoir  qu'il  faut  que  les  hommes  apprenant  a  se  ranger  et  restraindre,  de  ne  point  se  vouloir  enquerir  de  ce  que  Dieu  nous  veut  estre  cache,  et  d'estre  diligens  de  cognoistre  et  nous  enquerir  pour  scavoir  ce  qu'il  veut  que  nous  cognoissions.  Mais  outre  cela  ne  soyons  point  importuns  de  vouloir  nous  enquerir:  Et  pourquoy  est  ceci?  et  pourquoy  est  cela?  Gardons  nous  d'une  telle  curiosite  comme  d'une  peste  mortelle.  Ce  qui  ne  se  fera  point  qu'un  chacun  ne  face  violence  a  sa  nature:  car  nous  sommes  enclins  a  telles  folies  de  nostre  naturel,  de  laisser  le  principal  de  ce  qui  nous  est  necessaire,  et  cependant  nous  amuser  a��  ce  qui  n'est  ni  necessaire  ni  utile,  mais  seulement  une  curiosite  folle,  comme  chacun  le  monstre  en  son  endroit.  Comme  pour  exemple:  voyci  nous  avons  l'Evangile,  qui  est  une  fontaine  de  toute  sagesse,  et  pour  apprendre  a  nous  fier  en  Dieu,  et  pour  avoir  nostre  refuge  en  luy  en  l'invocquant,  et  afin  que  nous  combations  contre  nos  affections  charnelles,  pour  nous  ranger  du  tout  a  luy  et  pour  luy  obeir.  Voyla  a  quoy  nostre  Seigneur  pretend  mesmes  par  toute  l'Ecriture.  Or  il  nous  semble  que  c'est  trop  peu  de  scavoir  cela,  et  chacun  se  voudra  aller  ficher  es  choses  que  Dieu  nous  a  voulu  estre  cachees.  Nous  voulons  contreroler  nostre  Seigneur,  et  nous  semble  qu'il  eust  mieux  fait  de  faire  autrement.  Voyla  comment  il  nous  en  advient.  Et  pourtant  i'ay  dit  que  si  nous  voulons  prattiquer  ceste  doctrine,  et  n'estre  point  curieux,  il  faut  que  chacun  de  nous  tiene  sa  Calvini  opera.  Vol  XLVIII.