40:609  609  IN  DANIELEM.  CAP.  II.  610  quatur  alteri  populo.  Quantum  ad  postremum  membrum  spectat,  ubi  dicit,  conteret  ac  confringet  omnia  illa  regna,  et  ipsum  stabit  perpetuo,  non  indiget  longa  expositione.  Diximus  enim  qua  ratione  conterat  regnum  Christi  omnia  terrena,  de  quibus  antea  loquutus  est  Daniel:  quod  scilicet  necesse  sit  evanescere,  et  perire  etiam  miserum  in  modum  quidquid  adversum  est  unigenito  filio  Dei.  Hortatur  propheta  reges  omnes  terrae,  ut  osculentur  filium  (Psal.  2,12).  Quum  neque  Babylonii,  neque  Persae,  neque  Macedones,  neque  Romani  se  Christo  subiecerint,  imo  omnes  suas  vires  contulerint  ad  ipsum  oppugnandum,  fuerint  hostes  pietatis,  oportuit  deleri  a  Christi  regno:  quia  etiamsi  tunc  non  exstaret  imperium  persicum,  ubi  Christus  mundo  fuit  exhibitus,  maledicta  fuit  eius  memoria  coram  Deo.  Neque  etiam  hic  Daniel  ea  tantum  attingit  quae  patent  oculis  hominum,  sed  altius  attollit  mentes  nostras:  nempe  ut  sciamus  non  alibi  veram  fulturam,  in  qua  quiescamus,  posse  reperiri,  quam  in  uno  Christo.  Extra  Christum  ergo  pronuntiat  quidquid  splendoris  et  potentiae  est  in  mundo,  et  opulentiae,  et  roboris,  hoc  esse  caducum,  et  evanidum,  et  nullius  momenti.  Confirmat  sequenti  versu  eandem  sententiam,  quod  scilicet  Deus  ostenderit  regi  babylonio  quid  futurum  esset  postremis  temporibus,  ubi  monstrat  lapidem  excisum  e  monte,  et  quidem  sine  manu.  Diximus  Christum  excisum  fuisse  e  monte  sine  manu,  quia  divinitus  missus  fuit,  ita  ut  nihil  hac  in  parte  sibi  possent  arrogare  homines,  quemadmodum  etiam  Deus  ubi  de  redemptione  populi  sui  agit,  sic  loquitur  apud  Isaiam  (63,5),  Quoniam  non  vidit  Dominus  in  mundo  adiutorem,  armavit  se  brachio  suo,  et  propria  virtute.  Quoniam  ergo  non  aliunde  missus  est  Christus,  quam  a  patre  coelesti,  ideo  dicitur  excisus  esse  absque  manu.  Et  interea  etiam  tenendum  est  quod  secundo  loco  adiunxi,  nempe  notari  humile  et  abiectum  Christi  exordium,  quia  fuerit  similis  rudi  et  impolito  lapidi.  Quantum  attinet  ad  montem,  non  dubito  quin  Daniel  hic  voluerit  Christi  originem  docere  sublimem  esse,  et  supra  totum  mundum.  Ergo  sub  figura  montis  intelligit,  meo  iudicio,  Christum  non  exoriturum  esse  ex  terra,  sed  venturum  ex  gloria  coelesti  patris,  quemadmodum  etiam  dicitur  apud  prophetam  (Mich.  5,  2),  Et  tu  Bethlehem  Ephratha,  minima  es  inter  praefecturas  Iehudah:  ex  te  tamen  mihi  orietur  dux  in  Israel,  et  ortus  eius  a  diebus  aeternitatis.  Daniel  ergo  hic  occurrit  crassis  imaginationibus,  ad  quas  alioqui  propensa  sunt  nostra  ingenia.  Nam  quia  initio  non  apparuit  tanta  in  Christo  dignitas,  quanta  cernitur  in  mundi  regibus,  et  hodie  etiam  dominatur  quasi  sub  ignominia  crucis,  hinc  fit  ut  multi  eum  contemnant,  neque  agnoscant  quidquam  in  eo  dignitatis.  Daniel  ergo  nunc  elevat  oculos  et  sensus  nostros  in  sublime,  quum  Calvini  opera.  Vol.  XL.