25:609  609  SUR  LE  DEUTER.  CHAP.  I.  610  ce  qui  nous  est  monstre,  tellement  que  Dieu  soit  honore  de  nous.  Sommes-nous  conioints  a  luy?  Helas!  il  s'en  faut  beaucoup.  Car  quelque  chose  que  Dieu  persiste  a  nous  proposer  sa  doctrine,  la  ou  nous  voyons  comme  son  coeur  desploye  envers  nous,  tant  y  a  que  nous  sommes  serrez  de  nostre  coste,  et  ne  luy  donnons  nulle  ouverture:  ou  bien  neus  sommes  volages,  et  pleins  de  vanite,  qu'il  s'en  faut  beaucoup  que  la  doctrine  nous  touche,  que  nous  la  recevions  pour  nous  y  retenir  du  tout,  et  pour  y  avoir  nos  sens  enclos,  et  confermez  en  une  droite  obeissance.  On  verra  plustost  l'opposite.  Et  ainsi  cognoissons  que  le  peuple  des  Iuifs  nous  est  comme  un  miroir  auquel  nous  pouvons  contempler  nostre  rudesse,  nostre  malice,  nostre  ingratitude,  nostre  rebellion  obstinee  a  l'encontre  de  Dieu.  Au  reste,  nous  sommes  plus  coulpables  que  les  Iuifs,  pource  que  nous  donnons  une  si  povre  audience  a  nostre  Dieu.  Car  nous  avons  desia  dit,  que  le  peuple  ancien,  apres  avoir  este  delivre  de  la  servitude  d'Egypte,  se  devoit  sentir  oblige  a  Dieu  pour  s'addonner  et  dedier  pleinement  a  son  service.  Et  d'ou  est-ce  que  maintenant  Dieu  nous  a  retirez?  a-ce  este  de  la  tyrannie  d'un  homme  mortel,  ou  d'un  peuple  terrien?  Mais  nous  savons  qu'il  nous  a  rachetez  des  liens  de  peche  et  du  diable:  il  nous  a  retirez  du  gouffre  de  mort:  il  nous  a  delivrez  des  abysmes  d'enfer,  et  ne  nous  a  point  promis  seulement  la  terre  de  Chanaan  pour  heritage  ,  mais  les  cieux  nous  ont  este  ouverts  en  la  personne  de  nostre  Seigneur  Iesus  Christ,  il  en  a  prins  possession  pour  nous,  afin  que  nous  soyons  asseurez  que  la  nous  avons  nostre  siege  appreste,  et  nostre  repos  permanent.  Quand  donc  Dieu  nous  a  ainsi  obligez  a  soy,  nostre  ingratitude  n'est-elle  pas  plus  vilaine  au  double  voire  cent  fois  plus  que  celle  du  peuple  ancien?  Au  reste,  puis  qu'ainsi  est  que  Dieu  a  bien  daigne  continuer  l'office  de  Maistre  et  Docteur  envers  ce  peuple-la  qui  estoit  tant  rude  et  rebelle,  cognoissons  qu'auiourd'huy  il  fait  le  semblable  en  nous.  Et  aussi  il  nous  est  besoin,  comme  i'ay  desia  dit,  autrement  que  seroit-ce?  Mais  voyant  une  telle  grace,  c'est  que  Dieu  ne  se  fasche  point  de  nous  enseigner,  encores  qu'il  ne  profite  gueres  du  premier  iour,  ne  du  premier  an,  sachons  que  s'il  nous  traitte  ainsi  de  iour  en  iour,  que  cela  n'est  point  superflu.  Et  c'est  un  poinct  bien  a  observer:  car  les  hommes  ont  les  aureilles  chatouilleuses,  et  ne  demandent  sinon  qu'on  leur  apporte  quelque  nouveaute:  et  quand  la  doctrine  de  Dieu  leur  sera  preschee  et  proposee  chacun  iour,  ils  s'en  faschent,  et  en  sont  ennuyez.  Car  il  leur  semble  que  c'est  assez  de  leur  avoir  dit  un  coup  ou  deux,  et  ne  regardent  pas  comme  ils  mettent  en  oubli  ce  qu'ils  devoyent  avoir  entendu.  Ainsi  donc  afin  que  la  doctrine  Calvini  opera.  Voi.  XXV.