9:608  estre  tenu  et  observe  en  toute  l'Eglise,  et  contre  lequel  nul  ne  peut  se  lever  sans  se  rendre  schismatique.  En  somme,  si  on  veut  croire  ce  gaudisseur,  sainct  Paul  permet  au  huitieme  chapitre  d'idolatrer,  et  au  dixieme  il  le  defend.  Car  n'a-il  point  honte  de  parler  ainsi  mot  a  mot?  Cependant  pour  excuser  une  telle  contrariete,  il  dit  que  sainct  Paul  parle  des  scandales  qui  se  commettent  aux  choses,  lesquelles  le  mesme  Apostre  se  glorifie  estre  sous  sa  puissance  (1.  Cor.  6,  12;  9,  4;  2.  Cor.  10,  8).  Ce  qui  fait  plus  contre  luy,  que  si  sainct  Paul  traitoit  des  choses  qui  ne  sont  nullement  libres.  Car  s'il  eust  este  question  de  sacrifier  aux  idoles,  sainct  Paul  eust  pleinement  deteste  une  telle  vilenie,  et  sans  longue  dispute  il  eust  tranche  tout  court,  que  les  enfans  [page  42]  de  Dieu  devroyent  plustost  mourir  cent  fois  et  mille,  que  de  commettre  un  tel  sacrilege.  Mais  il  passe  plus  outre  en  austerite,  en  disant:  Encore  qu'un  acte  soit  licite  de  soy,  qu'il  vaut  mieux  mourir  que  d'en  user  avec  scandale  :  comme  de  manger  de  la  chair  qui  auroit  este  offerte  aux  idoles,  il  n'y  a  nul  mal:  sinon  que  les  rudes  et  infirmes  pensent  qu'on  le  face  par  quelque  devotion.  En  ces  cas  sainct  Paul  commande  estroitement  de  s'en  abstenir.  Or  ce  brouillon  en  recitant  les  mots  pervertit  tout.  Mais  encore  que  ie  n'insiste  point  sur  son  ignorance,  et  que  ie  luy  accorde  que  de  manger  d'une  viande  sacrifiee  aux  idoles  ce  n'est  point  mal  faict:  toutefois  il  conclud  trop  sottement  que  cela  ne  fait  rien  contre  luy.  Qui  plus  est  il  s'est  efforce  par  cy  devant  de  monstrer  que  c'estoit  idolatrie:  ce  que  ie  nie,  et  que  tout  homme  de  iugement  luy  niera.  Il  cuide  avoir  trouve  une  belle  subtilite,  en  disant,  Que  c'est  aussi  grand  mal  de  manger,  veu  que  la  viande  entre  dedans  le  corps,  que  de  s'agenouiller  devant  une  idole,  ou  oster  le  bonet.  Ie  luy  confesse,  si  le  manger  emporte  signe  evident  d'idolatrie,  que  le  peche  n'y  seroit  pas  moindre.  Mais  il  faut  revenir  tousiours  a  ce  poinct-la,  de  distinguer  entre  ce  qui  repugne  directement  au  service  exterieur  de  Dieu,  et  ce  qui  n'y  contrevient  point  de  soy.  Mais  pour  mieux  esclarcir  le  tout,  laissant  ce  povre  aveugle  en  ses  contradictions,  il  est  certain  que  sainct  Paul  au  8.  de  la  premiere  aux  Corinthiens  traite  une  matiere  toute  diverse  a  celle  qu'il  adiouste  entrelacee  au  commancement  du  10.  Car  au  8.  il  les  exhorte  a  tellement  moderer  [page  43]  leur  liberte,  qu'ils  ne  donnent  point  occasion  de  scandale  a  quelque  infirme.  Ainsi  le  manger  duquel  il  parle  n'emporte  de  soy  aucune  offense.  Ce  qu'il  conferme  au  chap.  9  par  son  exemple,  disant  qu'il  s'est  bien  abstenu  de  prendre  salaire  des  Eglises  qu'il  enseignoit,  combien  qu'il  luy  fust  permis.  De  la  il  entre  plus  avant  en  matiere,  et  les  redargue  de  ce  qu'ils  contrefaisoyont  les  idola-