5:608  telz  scandales  qui  corrumpent  appertement  l'Eglise.  Pourtant  quiconque  sera  accuse  de  crime  civil,  soit  clerc  ou  aultre,  ne  devra  estre  exempt  de  respondre  a  la  iustice  ordinaire,  selon  aussi  qu'il  a  este  constitue  par  les  Empereurs  chrestiens.  Si  nostre  Seigneur  nous  faisoit  la  grace  de  nous  submettre  a  sa  parolle,  aux  sainctes  constitutions  et  ordonnances,  tant  des  Evesques  anciens  comme  des  Empereurs,  et  que  a  ceste  maniere  que  nous  avons  monstree,  l'Empereur  nostre  souverain  seigneur,  les  Electeurs,  Princes  et  Estatz  tachassent  et  missent  bonne  peine  d'un  accord,  de  corriger  les  abuz  et  les  vices  qui  regnent  tant  au  clerge  comme  au  peuple,  suyvant  le  commandement  de  Dieu,  et  les  anciens  canons,  avec  les  loix  imperiales  lesquelles  les  ont  approuve,  et  ont  commande  de  les  tenir  pour  loix:  desia  on  auroit  mis  ordre  a  l'Eglise,  et  la  reformation  bonne  et  saincte  seroit  toute  trouvee  et  establie,  Iesus  Christ  regneroit  pleinement  entre  nous,  pour  nous  donner  liberallement  et  augmenter  tout  ce  qu'il  scauroit  nous  estre  bon  et  salutaire,  et  nous  delivrer  par  sa  puissance  de  tout  ce  qu'il  scauroit  nous  estre  nuysible.  Qu'il  veuille  donc  faire,  que  nous  congnoissions  tous  son  Regne  et  sa  iustice,  et  la  cherchions  tous  d'un  coeur.  Amen.1)  Au  reste,  puis  qu'une  telle  pleine  reformation  ne  se  peult  obtenir  sans  un  Synode  national,  pour  ce  aussi  que  d'autre  part  on  ne  la  peult  du  tout  differer  sans  la  ruyne  totalle  du  pays  d'AUemaigne,  il  sera  bon  de  commencer  comme  il  s'ensuit,  et  se  pourra  faire  aisement.  C'est  premierement  que  la  doctrine  de  Christ  fust  fidelement  preschee  par  [fol.  118]  toutes  les  Eglises  d'AUemaigne  selon  les  articles  qu'on  auroit  icy  accorde,  et  fust  diligemment  declaree  au  peuple,  et  imprimee  aux  coeurs  de  tous:  puis  qu'on  administra  les  Sacremens  et  usa  on  des  ceremonies  conformement  a  ces  articles,  tant  qu'il  seroit  possible  a>  un  chascun  estat  de  le  faire  en  edification:  finalement  que  un  chascun  estat  regardast  d'accommoder  et  approprier  le  reste  qui  ne  seroit  point  accorde,  pour  le  faire  convenir  a  ce  dont  on  seroit  d'accord,  en  tant  que  l'edification  de  l'Eglise  le  porteroit.  E  t  pource  que,  ia  long  temps  a,  le  peuple  a  entendu  par  toute  l'Allemaigne  que  l'usage  entier  de  la  Cene,  a  este  institue  du  Seigneur  pour  tous,  et  que  non  seulement  l'Eglise  ancienne,  mais  celle  qui  a  este  iusques  a  devant  trois  cens  ans,  Fa  ainsi  observe,  comme  aussi  on  l'observe  encores  a  pre-  1)  Les  Actes  latins  de  Bucer  p.  109  ont  ici  une  nouvelle  section  avec  cette  inscripUon:  Quo  modo  initium  Reformationis  ecclesiasticae  nunc  faciendum.