48:608  dire,  que  tant  que  vostre  esprit  se  pourra  estendre  vous-vous  employez  a  cognoistre  de  plus  en  plus  la  dilection  que  Dieu  nous  a  monstree  en  nous  donnant  Iesus  Christ  son  Fils  bien-aime.  Voyla  ou  nous  devenons  employer  toute  nostre  vie:  et  toutesfois  si  on  nous  en  parle  une  demie  heure,  il  semble  que  c'est  trop.  En  quoy  nous  voyons  que  nostre  esprit  est  vague,  et  qu'il  ne  demande  qu'a  vaguer  a  choses  inutiles:  il  s'y  delecte  et  se  paist  de  cela.  Et  s'il  est  question  qu'on  nous  veuille  confermer  es  choses  que  nous  devons  tenir  fermes,  ou  bien  si  on  nous  veut  advertir  des  choses  qui  nous  doyvent  advenir,  nous  ne  pouvons  pas  nous  addonner  a  cela,  qu'incontinent  nostre  esprit  ne  soit  diverti,  et  qu'il  ne  vague  et  ca  et  la  et  face  des  chasteaux  en  Espagne:  et  que  celuy  qui  ha  des  biens  ne  pense  a  ses  possessions  et  a  ses  richesses:  au  contraire  celuy  qui  n'en  ha  point  demeurera  la  insense  comme  une  beste  brute  et  ne  pensera  point  a  ce  qu'on  dit.  Voyla  comme  nous  sommes  tous  entachez  de  ce  vice,  et  n'y  a  celuy  qui  n'en  soit  convaincu  devant  Dieu.  Ainsi  voyans  que  les  Apostres  ont  este  curieux  de  scavoir  les  choses  qui  ne  leur  appartenoyent  en  rien,  ne  les  condamnons  point  en  cela:  mais  cognoissons  que  nous  avons  bien  matiere  de  nous  condamner  nous-mesmes.  Et  puis  que  nous  voyons  que  cela  est  un  vice  tant  commun,  il  faut  qu'un  chacun  apprene  de  retirer  son  esprit  de  tant  de  fantasies,  et  que  nous  ne  soyons  point  addonnez  a  tels  esgaremens  volontairement,  mais  que  nous  applicquions  nostre  esprit  a  entendre  ce  qu'il  plaist  a  Dieu  de  nous  eslargir  de  cognoissance  de  son  conseil  et  nous  tenir  la.  Mesmes  pesons  diligemment  ce  mot  qu'il  dit:  Ce  n'est  pas  a  vous  de  cognoistre  ies  temps  et  saisons  que  le  Pere  a  mis  en  sa  puissance.  Quand  il  dit  cela,  voyla  un  mot  qui  deveroit  nous  estre  une  bride  pour  nous  retirer  tout  d'un  coup  de  toutes  curiositez:  voire  combien  que  nostre  nature  nous  pieque  pour  aller  en  avant,  il  faudroit  neantmoins  reculer  en  arriere,  et  cognoistre  ce  que  dit  Salomon,  que  celuy  qui  est  scrutateur  des  secrets  de  Dieu  sera  opprime  de  la  gloire.  Si  nous  sommes  de  tels  scrutateurs  et  curieux,  il  nous  scaura  bien  faire  sentir  que  ce  n'est  pas  en  vain  qu'il  a  dit  cela.  Cognoissons  donc  que  ce  n'est  pas  a  nous  depasser  outre  un  tel  arrest.  Mais  regardons  que  c'est  qu'il  nous  defend  d'enquerir.  Ce  que  le  Pere  a  mis  en  sa  puissance.  Or  yci  on  pourroit  faire  une  question,  ascavoir  si  le  Pere  n'a  pas  mis  en  sa  puissance  Fhyver  et  Feste,  et  le  gouvernement  du  temps,  et  les  saisons.  Ouy:  il  semble  donc  qu'il  veuille  dire  qu'il  ne  nous  appartient  pas  de  nous  enquerir  de  cela.  Non  fait:  car  ce  n'est  point  de  tout  ce  que  ie  Pere  ha  en  sa  puissance  que  Iesus  Christ  dit  a  ses  Apostres  que  ce  n'est  pas  a  eux  d'en  cognoistre.