35:608  ce  que  le  Prophete  s'escrie  yci  en  disant,  Qui  est-ce  qui  croira  a  nostre  ouye?  Car  il  presuppose  que  le  nombre  en  sera  clair  seme  :  et  que  quand  l'Evangile  sera  publie  partout,  si  on  regarde  combien  il  a  profite,  en  entrouvera  bien  peu  qui  ayent  une  racine  vive,  et  qui  se  soyent  reduits  et  reformez,  qui  changent  de  vie,  qui  renoncent  a  eux  mesmes  pour  se  dedier  plenement  a  Dieu:  on  verra  di-ie,  que  le  nombre  de  ceux-la  sera  petit.  Mais  cependant  il  adiouste  la  cause  que  nous  ne  pouvons  pas  maintenant  exposer,  c'est  ascavoir  qu'en  cela  il  nous  faut  aussi  noter  que  la  foy  est  un  don  special  de  Dieu,  et  que  ce  n'est  pas  le  tout  d'avoir  la  doctrine,  et  que  nous  en  ayons  les  aureilles  batues:  mais  qu'il  faut  que  Dieu  nous  touche,  et  qu'il  besongne  en  nous  d'une  vertu  secrete,  tellement  que  nous  soyons  attirez  a  luy,  et  que  nous  soyons  edifiez  par  la  predication  que  nous  avons  ouye.  Mais  cela  ne  se  pourroit  point  despescher  pour  maintenant,  pourtant  nous  le  reserverons  a  un  autre  iour.  Or  nous-nous  prosternerons  devant  la  maieste  de  nostre  bon  Dieu  en  cognoissance  de  nos  fautes,  le  prians  etc.  SECOND  SERMON  Isaie  Chap.  LIII.  1.  Qui  croira  a  nostre  predication,  et  le  bras  du  Seigneur  a  qui  sera-il  revele?  2.  Si  montera-il  comme  un  surgeon  devant  luy,  et  comme  une  racine  de  terre  deserte.  Il  riha  ne  forme  ne  beaute,  et  avons  veu  qu'il  n'y  avoit  nulle  excellence  pour  estre  desire,  3.  Il  a  este  mesprise  et  reiette  entre  les  hommes,  homme  de  douleur,  scachant  que  c'est  d'infirmite,  tellement  qu'on  cacher  a  sa  face  de  luy  avec  mespris,  et  ne  V  estimera-on  rien.  4.  Vrayement  il  a  porte  nos  langueurs,  etc.  Nous  avons  commence  a  traitter  combien  que  l'Evangile  deust  estre  publie  par  tout  le  monde,  que  toutesfois  ii  seroit  tres  mal  receu  de  la  plus  part:  et  que  le  Prophete  l'a  ainsi  declare,  afin  que  les  enfans  de  Dieu  ne  s'estonnassent  point,  voyans  l'incredulite  de  ceux  qui  avoyent  les  aureilles  batues  de  la  doctrine  de  salut,  et  neantmoins  ne  la  vouloyent  nullement  accepter.  Car  c'est  une  chose  estrange  que  Dieu  appelle  a  soy  les  hommes,  et  tasche  de  les  gaigner  d'une  facon  si  humaine  et  gracieuse  que  rien  plus,  et  que  neantmoins  les  hommes  se  destournent  de  luy  et  qu'a  leur  escient  ils  refusent  de  venir  au  salut  qui  leur  estoit  ainsi  presente.  Il  semble  que  cela  soit  impossible:  or