25:608  demeurez  tels  qu'ils  estoyent  auparavant.  Ainsi  donc  nostre  Seigneur  reproche  au  peuple  d'Israel  une  stupidite  brutalle,  en  luy  declarant  la  Loy  pour  le  second  coup.  Comme  s'il  disoit:  Vous  estes  bien  mauvais  escoliers:  car  ie  vous  avoye  enseigne  suffisamment  en  ma  Loy:  la  doctrine  qui  estoit  contenue  aux  dix  parolles,  contient  toute  perfection  de  sagesse.  Or  cela  ne  vous  a  point  suffi,  d'autant  que  vous  n'avez  point  eu  les  aureilles,  ou  vous  les  avez  eu  trop  longues,  cependant  rien  ne  vous  est  entre  au  coeur,  mesmes  vous  n'avez  rien  entendu  k  ce  que  ie  vous  disoye,  il  faut  donc  que  vous  retourniez  a  vostre  premiere  lecon,  et  a  vostre  A  B  C,  que  ie  vous  declare  ma  Loy,  et  que  ie  vous  la  masche,  afin  que  vous  la  puissiez  mieux  digerer.  Et  d'autant  que  vous  estes  ainsi  durs  a  l'esperon,  il  faut  que  ie  vous  pieque  :  que  i'use  de  plus  grande  vehemence  pour  vous  resveiller,  et  que  ceste  durte  que  ie  voy  en  vous  soit  corrigee.  Maintenant  donc  nous  voyons  en  somme  quel  est  l'argument  de  ce  livre:  c'est  assavoir,  que  Dieu  ayant  desia  auparavant  donne  sa  Loy  au  peuple  d'Israel,  l'ayant  approuvee  autant  qu'il  estoit  requis  a  cause  de  la  durte  et  rebellion  du  peuple,  a  voulu  encores  donner  plus  ample  declaration  de  la  Loy  que  Moyse  avoit  desia  reduite  par  escrit.  Et  non  seulement  il  a  declare  la  Loy  :  mais  quant  et  quant  il  a  sollicite  le  peuple  a  l'observer  mieux  qu'auparavant  :  et  luy  a  reproche  sa  villenie,  de  ce  qu'il  avoit  este  si  sauvage,  et  qu'il  s'estoit  si  mal  prepare  du  premier  coup,  pour  recevoir  instruction  de  son  createur,  et  de  son  Redempteur.  Or  tout  ce  que  nous  voyons  en  ce  peuple-la,  nous  appartient.  Et  pleust  a  Dieu  que  nous  ne  ressemblissions  en  rien  aux  Iuifs,  ie  di  quant  a  cest  endroit:  mais  s'il  y  a  eu  de  ce  temps-la  trop  de  durte,  auiourd'huy  combien  en  trouvera-on  en  nous?  Car  nostre  Seigneur  n'a  point  seulement  parle  un  iour  pour  nous  enseigner.  Si  la  Loy  a  bien  este  ratifiee  en  la  main  de  Moyse,  l'Evangile  a-il  auiourd'hui  moins  d'approbation?  Si  la  terre  a  este  esmeue,  si  les  trompettes  ont  sonne,  que  les  esclairs  ayent  vole,  que  les  tonnerres  ayent  este  ouis,  l'Evangile  a  esmeu  le  ciel  et  la  terre  (comme  il  est  dit  par  le  Prophete  Aggee  et  que  l'Apostre  l'allegue  en  l'Epistre  aux  Hebrieux).  Et  nous  oyons  aussi  ce  qu'en  traitte  S.  Paul  au  3.  de  la  seconde  aux  Corinthiens.  Qu'il  faut  bien  (dit-il)  que  ce  message  de  vie  et  de  salut,  qui  est  contenu  en  l'Evangile,  soit  glorifie  autant  ou  plus  que  la  doctrine  de  la  Loy,  qui  estoit  mortelle  de  soy,  et  qui  ne  pouvoit  vivifier  les  hommes.  Puis  qu'ainsi  est  donc  que  Dieu  a  declare  une  si  grande  maieste  en  l'Evangile,  et  que  ce  n'a  point  este  pour  un  iour  qu'il  nous  est  annonce,  mais  nous  en  avons  les  aureilles  batues  tous  les  iours:  regardons  si  nous  sommes  bons  disciples,  si  nous  retenons