8:607  607  REPUTATIO  ERRORUM  608  nisi  esset  exstinguibilis.  Quasi  vero  imbutus  esset  [pag.  205]  Paulus  Serveticis  commentis  de  spirituali  spiritus  cum  anima  mixtione.  *)  Quo  sensu  moneat  Paulus  Thessalonicenses  ne  spiritum  exstinguant,  nec  mihi  difficile  est  dicere,  nec  apud  sobrios  anxia  expositione  indiget.  Postquam  enim  de  prophetiis  non  spernendis  praeceptum  dedit,  continuo  post,  quo  sibi  magis  sollicite  caveant,  terrendi  causa  subiicit,  tali  contemptu  spiritum  exstingui,  quatenus  scilicet  in  suis  donis  refulget.  Itaque  ad  refellendam  Serveti  vesaniam,  nihil  hoc  Pauli  dicto  aptius  citari  poterat:  quia  spiritus  exstinctio,  ab  eius  donis  essentiam  manifeste  discernit.  In  capite  tricesimo  longius  provectus  est,  deitatem  humanae  animae  statim  a  creatione  attribuens.  Nunc  de  nova  per  Christi  gratiam  regeneratione  non  agitur,  sed  de  communi  hominum  natura.  Insitum  ergo  fuisse  primo  homini  deitatis  spiritum  Servetus  contendit:  et  quia  non  assentior,  me  in  scholam  Simonis  magi  ablegat.  Divinis  praeditam  fuisse  dotibus  Adae  animam,  apud  omnes  pios  in  confesso  est.  Nec  vero  in  tanta  excellentia  celebranda  a  deitatis  nomine  abhorreo:  sicuti  etiam  scriptura  ad  imaginem  Dei  formatum  fuisse  hominem  docens  insculptas  eius  menti  divinae  gloriae  notas  fuisse  intelligit.  Verum  longe  alio  rapitur  Servetus,  Promethei  fabulam  nobis  renovans,  particulam  aurae  coelestis  nobis  vult  esse  insitam.  Nam,  eo  teste,  ingenita  est  nobis  essentialis  deitas:  quam  etsi  fatetur  ex  parte  deletam  esse,  partem  tamen  aliquam  adhuc  salvam  restare  asserit.  Hoc  si  verum  est,  sequetur  omnibus  carnis  vitiis  Dei  essentiam  involvi.  Errare  et  labi  omnibus  nobis  commune  est.  Deus  ergo  ignorantiae  obnoxius  erit.  Quotquot  [pag.  206]  perversi  affectus  in  animam  hominis  competunt,  totidem  corruptelis  subiicietur,  Deus.  Denique  crassior  est  huius  delirii  absurditas,  quam  ut  longius  insistere  necesse  sit.  Quia  dixeram  neque  a  prophetis,  neque  apostolis,  neque  martyribus  quidquam  fuisse  tale  cogitatum,  Servetus  doctores  mihi  opponit.  Unum  saltem  proferat.  Ex  quibusdam  Tertulliani  et  Irenaei  locis  fucum  supra  facere  tentavit.  Sed  quam  evanida  fuerit  species,  lectoribus  constare  arbitror.2)  In  citandis  scripturae  locis  suo  more  plus  quam  prodigus  est.  Spiravit  Deus  viventem  animam  in  Adam.  Quid?  an  ut  suam  in  eum  deitatem  transfunderet?  Tempus  vindictae  suae  Genesis  6  praefigit,  ne  perpetuo  rixetur  spiritus  suus  cum  homine.  Ubi  deitatis  infusio?  Iob  33  capite  fatetur  se  creatum  esse  Dei  spiritu,  vivificatum  eius  spiraculo.  Atqui  Deus  nos  creando  1)  De  spirituali  spiritus  cum  anima  mixtione.  Haec  verba  a  Gallo  male  ad  sequentia  trahuntur.  2)  Mais  ie  croy  que  ie  luy  ay  si  bien  racle  tout  son  fard  que  nul  n'en  peut  plus  estre  abuse.