7:607  607  VERA  ECCLESIAE  608  nunquam  tam  speciosos  habebunt  praetextus,  quin  saltem  palam  fiat,  exitiales  ipsos  tendere  insidias  hominum  [pag.  99]  saluti:  quas  si  cavere  negligimus,  frustra  posthac  gememus  salutem  amissam,  quam  ipsi  sponte  prodiderimus  Satanae  et  eius  ministris.  Cavendum  itaque,  ne  illae  nos  demulceant  Sirenum  voces:1)  Hoc  parum  est:  hoc  commoda  interpretatione  mitigabitur  :  hoc  facile  latebit  :  hoc  admittetur  non  magno  periculo.  2)  Potius  audiamus  monentem  Christum:  Ambulate  dum  lucem  habetis  (Ioann.  12,  35).  Nam  si  quas  patimur  clarae  luci  nubeculas3)  opponi,  citius  quam  putemus  obruent  nos  tenebrae.  Unica  est  ianua,  qua  ingredi  nos  vitam  aeternam  oportet:  unica  est  via,  qua  ad  eam  pervenitur.  Minimus  ab  his  deflexus,  proclivis  est  in  mortem  error.  Huc  accedit,  quod  obliquis  velut  cuniculis  simul  impetitur  Christi  gloria,  quam  ita  coniunctam  esse  cum  salute  nostra  voluit,  ut  alteri  qui  detrahit,  utrumque  violet.  Ergo  in  asserenda  gratuitae  iustificationis  doctrina,  non  tantum  quam  sit  nobis  cara  nostra  salus,  sed  etiam  quam  pretiosa  Christi  gloria,  specimen  edendum  est.  Unde  apparet,  quam  detestandum  interitum4)  nobis  moliantur  perfidi  mediatores,  qui  suis  fucis  huc  nos  inducunt,5)  ut  non  minus  in  filium  Dei  simus  ingrati,  quam  propriae  salutis  proditores.  Atque  ut  demus,  relinqui  istud  nobis  integrum,  iustificari  sola  fide  hominem:  qui  tamen  nihil  praeterea  relinquunt,  quo  tandem  loco  habendum  censent  cultum  Dei?  Estne  illis  res  tam  frivola,  ut  pacem  ecclesiae  morari  non  debeat?  Atqui,  hominum  et  angelorum  saluti  praeferendam  esse  dico.  Proinde,  qui  non  tantum  posthabito,  sed  etiam  relicto  Dei  cultu,  alterum  illud  caput  duntaxat  urgent,  quid  sit  [pag.  100]  vera  religio  nondum  didicerunt.  Si  quis  obiiciat,  praecipuam  divini  cultus  partem  fide  eiusque  exercitiis  contineri  :  ego  id  quidem  fateor:  sed  disputare,  quomodo  salutem  adipiscantur  homines,  quomodo  autem  rite  colatur  Deus  tacere,  nimis  est  praeposterum.  Adde,  quod  huius  rei  cognitio  propriam  explicationem  desiderat:6)  cuius  duo  potissimum  sunt  membra.  Primum  enim  statuendum  est,  spiritualem  esse  Dei  cultum,  ne  in  externis  vel  caeremoniis,  vel  aliis  quibuslibet  operibus  reponatur:  deinde  non  esse  legitimum,  nisi  ad  eius  cui  praestatur  voluntatem  sit  compositus,  tanquam  ad  suam  regulam.  Utrumque  plus  quam  necessarium  est:  nam  ut  nihil  quam  terram  et  car-  1)  de  nous  laisser  endormir  ou  amadouer  par  ces  flatteries  qu'aucuns  ameinent.  2)  Add.  Ceci  est  de  peu  d'importance.  3)  petites  bruines.  4)  In  margine  ed.  germ.  ludit  ahquis:  Interim  est  interitus  5)  Ed.  germ.  male:  induunt.  6)  pour  en  avoir  une  declaration  sommaire.