6:607  EXCUSE  grande  ingratitude  a  eux,  d'user  des  propos  qu'ilz  tienent.  Puis  que  Calvin  faict  tant  du  vaillant:  que  ne  vient  il  icy,  pour  voir  comment  il  s'y  portera?  Il  faict  comme  les  capitaines  qui  poulsent  les  souldars  *)  a  la  breche  pour  recevoir  les  coups,  ce  pendant  demeurent  loing  du  danger.  Par  ce  moyen  les  anciens  fideles  se  fussent  moquez  de  toutes  les  exhortations  des  Apostres,  quand  ilz  les  solicitoyent  a  endurer  persecutions  continuelles  pour  le  nom  de  Iesus  Christ:  ne  fleschir  pour  rien  qui  leur  avint:  perdre  leurs  biens  ioyeusement:  endurer  les  opprobres  du  monde,  d'un  cueur  allegre:  et  mourir  constamment,  quand  le  plaisir  de  Dieu  seroit  tel.  Car  ilz  eussent  peu  dire:  Venez  y  vous  mesmes,  et  monstrez  nous  le  chemin.  Quelcun  dira,  que  les  Apostres  en  avoyent  bien  leur  part:  et  pourtant  que  cela  leur  donnoit  l'audace  de  requerir  des  autres  par  parolles,  ce  qu'ilz  leur  monstroyent  par  effect.  A  cela  ie  respons,  que  chacun  d'eux  exhortoit  souvent  a  patience  et  constance  une  Eglise,  dont  il  s'en  estoit  fuy  pour  le  danger.  Ie  vous  prie  quand  l'Apostre  dit  aux  Hebrieux  (12,  4):  Vous  n'avez  pas  encore  resiste  iusqu'au  sang:  ne  pouvoyent  ilz  pas  bien  repliquer:  Es  tu  marry  [fol.  22]  ou  si  tu  nous  porte  envie,  de  ce  que  nous  ne  sommes  de  pire  condition  que  toy?  Mesme,  pour  le  faire  court,  que  pouvoit  on  dire  a  sainct  Pierre,  quand  il  remonstroit  aux  fideles  (1  Pierre  4,  12),  que  c'est  la  vraye  beatitude,  que  d'endurer  pour  le  nom  de  Iesus?  Or  les  fideles  de  ce  temps  la,  ont  receu  telles  exhortations  avec  reverence:  comme  au  iour  d'huy  font  ceux  qui  ont  la  crainte  de  Dieu:  sachans  quo  l'homme  ne  se  peut  gaudir  des  admonitions  sainctes,  prinses  de  la  parolle  de  Dieu,  qu'a  sa  confusion.  Quant  est  de  moy,  ie  ne  me  vanteray  pas  d'avoir  beaucoup  endure.  Mais  ie  puis  bien  dire  qu'il  n'a  pas  tenu  quelques  fois  a  m'exposer  au  danger.  Et  puis  qu'ilz  m'accomparent  a  un  capitaine:  pourquoy  sont  ilz  si  malings  et  inhumains,  de  ne  se  contenter  que  ie  face  autant  en  ceste  bataille  spirituelle  que  nous  avons  contre  le  regne  de  Sathan,  qu'on  pourroit  demander  d'un  bon  et  fidele  capitaine,  qui  servira  a  un  prince  terrien?  Combien  qu'ilz  s'abusent  en  ce  qu'ilz  me  mettent  si  loing  des  dangers.  Car  encor  que  la  persecution  ne  soit  pas  au  iourd'huy  prochaine  et  eminente2)  sur  moy:  ie  ne  scay  ce  qui  me  pourroit  demain  avenir.  Tant  y  a  que  ie  serois  bien  beste,  si  des  ceste  heure  ie  ne  m'y  preparoye,  pour  n'estre  pas  surprins.  Quand  il  en  faudra  la  venir  i'espere  bien  en  mon  Dieu,  qu'il  me  fera  la  grace  de  glorifier  son  nom  par  mon  sang,  aussi  bien  que  ie  faiz  1)  souldats  1566;  soldats  1611  (gregarios  milites).  2)  imminente  1611  (immineat).