5:607  ACTES  DE  RATISBONNE.  Eglise.  Apres  cela,  il  sera  bon  de  faire  priere  pour  eulx  et;  que  les  ministres  leur  imposent  les  mains,  qui  est  la  vraye  confirmation,  de  laquelle  parle  le  Livre  donne  par  l'Empereur.  Cela  fera  que  tous  s'asubiectiront  a  la  discipline  chrestienne,  et  s'ilz  defaillent,  ilz  pourront  estre  plus  [fol.  1161  facilement  redressez  :  s'ilz  declinent  de  la  voye  du  Seigneur,  on  les  pourra  plus  aisement  reduire.  Par  ce  mesme  moyen,  on  pourra  reduire  la  correction  des  vices,  l'excommunication,  et  tout  ce  qui  appartient  a.  la  discipline  ecclesiastique.  Finalement,  cela  fera  qu'on  aura  plus  grand  crainte  de  pecher,  et  sera  on  plus  incite  a  bien  vivre  et  sainctement  profiter  de  iour  en  iour  en  la  crainte  de  Dieu.  Il  fauldra  pareillement  remettre  en  usage  les  corrections  et  excommunications  :  non  pas  affin  d'en  user  pour  contraindre  les  paovres  gens  a  payer  les  debtes,  ou  pour  confermer  la  puissance  mondaine,  ou  immunite  du  clerge,  mais  pour  reprimer  les  crimes  et  malefices,  pour  corriger  les  mauvaises  meurs  du  peuple,  et  que  cela  se  face  par  vray  iugement  spirituel,  et  par  personnes  idoines,  tant  du  clerge  que  du  peuple,  et  que  la  fin  soit  pour  entretenir  les  hommes  en  la  crainte  de  Dieu,  et  en  saincte  vie,  sans  ambition  aucune,  sans  avarice,  comme  par  cy  devant  aux  visitations,  qu'on  appelloit  faulsement  Synodes,  on  a  bien  puny  par  amendes  les  delinquans,  mais  affin  que  l'official  ou  le  vicaire  eust  a  gaigner,  ou  pour  quelque  cupidite  particuliere,  non  pas  pour  purger  l'Eglise  de  scandale.  Or  quand  les  Eglises  seront  de  rechef  accordantes  en  doctrine  et  en  usage  des  Sacremens,  et  auront  fideles  ministres  et  diligens,  que  le  catechisme  se  fera  comme  il  appartient,  il  sera  aultant  facil  de  reduire,  toute  ceste  police,  et  de  la  practicquer,  comme  il  sera  de  besoing,  comme  elle  est  necessaire  a  nous  duire  et  entretenir  en  la  crainte  de  Dieu.  Toutesfoys  affin  d'en  venir  a  bout,  et  pareillement  pour  remettre  dessus  tout  ce  qui  est  necessaire  a  la  vraye  reformation  des  Eglises,  et  l'instituer  en  sorte  qu'il  soit  de  duree,  il  sera  mestier  de  permettre  et  enioindre  a  toutes  les  puissances  et  magistratz  seculiers,  la  charge  et  solicitude  de  regarder  si  chascun  fera  son  devoir,  contraindre  ceulx  qu'il  sera  mestier,  et  corriger  les  faultes  en  telle  severite  et  moderation,  que  les  sainctes  escriptures,  les  canons,  les  livres  des  [fol.  117]  sainctz  Peres,    les  constitutions  de  l'Empereur  Iustinian,  qu'on  appelle  nouvelles,  leur  ordonnent  et  enioingnent.  Il  fauldra  aussi  les  admonester  et  exhorter  d'abatre  les  ydolatries  et  superstitions  publicques,  lesquelles  le  Livre  presente  par  l'Empereur  commande  d'oster.  Item  de  corriger  et  reprimer  par  peines  rigoreuses  les  crimes  et  dissolutions,  comme  paillardises,  ravissemens,  adulteres,  yvrongneries  et