49:607  607  SERMONS  608  des  diables.  Qui  en  est  cause?  Ceste  maudite  cupidite,  quand  ils  se  laschent  ainsi  la  bride.  Et  ainsi  c'est  une  bonne  lecon  pour  toute  nostre  vie,  quand  nous  aurons  reprime  toutes  nos  cupiditez,  que  nous  pourrons  batailler  a  l'encontre,  et  nous  tenir  a  ceste  regle  de  la  volonte,  de  Dieu:  qu'encores  que  nous  soyons  solicitez  et  chatouillez  de  nostre  chair,  que  neantmoins  tousiours  nous  revenions  la,  do  considerer  ce  qui  nous  est  licite.  Et  puis  que  nous  n'en  soyons  pas  iuge  a  nostre  cerveau,  mais  que  nous  regardions  a  ce  que  nostre  Seigneur  nous  a  permis.  Et  la  dessus  que  nous  facions  ceste  conclusion,  II  nous  faut  la  tenir,  rangeons-nous  a  l'obeissance  de  nostre  Dieu.  Quand  nous  aurons  apprins  ceste  lecon,  ce  nous  sera  une  grande  sagesse:  non  point  seulement  pour  un  iour,  mais  pour  le  temps  de  nostre  vie.  Or  nous  nous  prosternerons  devant  la  maieste  de  nostre  bon  Dieu,  en  cognoissance  de  nos  fautes,  le  prians  etc.  TROISIEME  SERMON.  1.  COR.  Chap.  I  v.  7.  Sainct  Paul  continuant  le  propros  qui  a  desia  este  commence,  nous  advertit  comme  nous  devons  contempler  la  iustice  de  Dieu  en  toutes  ses  oeuvres,  et  aussi  les  iugemens  qu'il  execute  sur  ceux  qui  l'ont  offense:  et  que  par  ce  moyen  nous  soyons  retenus  en  sa  crainte  comme  sous  une  bride:  car  nous  voyons  comme  les  hommes  se  pardonnent  aisement:  et  c'est  pour  ce  qu'ils  sont  endormis,  et  ne  pensent  iamais  venir  a  conte.  Mais  quand  nous  comprenons  l'ire  de  Dieu,  cela  nous  doit  grandement  espouvanter,  ou  il  faut  que  nous  soyons  par  trop  stupides.  Or  ici  S.  Paul  en  premier  lieu  nous  monstre  une  vengence  horrible,  qui  est  advenue  sur  les  idolatres:  et  puis  il  adiouste  que  la  Dieu  comme  en  un  miroir,  ou  en  une  peinture  nous  monstre  que  l'idolatrie  luy  est  insupportable,  et  qu'elle  ne  demeurera  point  impunie  devant  luy.  L'histoire  dont  il  parle,  est  prinse  du  trentedeuxieme  chapitre  d'Exode.  Ii  est  vray  qu'ici  il  n'exprime  point  la  punition  dont  parle  Moyse:  mais  c'est  assez  que  la  chose  nous  soit  monstree  comme  au  doigt.  I'ay  dit  que  ceste  vengeance  a  este  horrible,  pource  que  Dieu,  encores  qu'il  ait  espargne  le  peuple,  a  voulu  que  les  Levites  se  missent  tous  en  armes  afin  de  tuer  ceux  qu'ils  rencontreroyent.  Il  est  vray  que  cela  de  prime  face  est  bien  dur  :  mais  il  a  falu  que  Dieu  declarast  (comme  desia  nous  avons  touche)  combien  son  nom  et  son  service  luy  est  recommande,  et  qu'il  ne  peut  souffrir  qu'on  luy  desrobbe  ce  qui  luy  appartient,  pour  le  donner  aux  idoles,  et  a  des  choses  mortes.  Cependant  il  ne  s'en  est  quasi  rien  falu  que  le  peuple  ne  fust  plenement  extermine.  Nous  voyons  comment  Moyse  s'est  empesche  a  demander  pardon:  nous  voyons  le  refus  qui  luy  est  fait.  Ainsi  donc,  sainct  Paul  n'a  pas  voulu  ex-