48:607  607  SERMONS  608  disent  aussi  bien  qu'ils  Font.  Ainsi  les  Samaritains  avoyent  la  mesme  Loy  que  les  Iuifs,  mais  il  avoyent  tout  perverti,  comme  ont  maintenant  les  Papistes,  et  pourtant  la  haine  en  estoit  plus  grande.  Or  yci  Iesus  Christ  dit  a  ses  Apostres  qu'il  faut  que  l'Evangile  soit  presche  a  ceux  de  Samarie.  Nous  voyons  donc  comment  Iesus  Christ  les  reprend  assez  vivement  de  leur  erreur,  et  les  ramene  au  droit  chemin.  Au  reste,  il  faut  que  nous  applicquions  tout  ceci  a  nostre  usage.  Et  en  premier  lieu,  que  si  les  Apostres  ont  este  tant  rudes,  comme  on  le  peut  assez  appercevoir,  ce  vice  n'a  pas  seulement  este  en  eux,  mais  est  aussi  en  nous.  Regardons  donc  la  comme  en  un  miroir,  que  ce  n'est  pas  tout  qu'on  nous  presche,  mais  qu'il  faut  que  Dieu  nous  esclaire  et  donne  ouverture  a  la  Parolle,  a  ce  qu'elle  entre  en  nous,  et  qu'il  nous  ouvre  nos  esprits,  afin  que  nous  puissions  comprendre  sa  volonte.  Autrement  nous  aurons  beau  ouir,  car  tout  cela  passera  sans  profit.  Pourtant  il  nous  faut  prier  Dieu  qu'il  nous  face  la  grace  de  comprendre  sa  volonte,  autrement  nous  demeurerons  en  nostre  bestise.  Voyla  que  nous  avons  a  noter  en  premier  lieu  de  ce  passage.  Or  quant  aux  fautes  qui  sont  en  la  demande  des  Apostres,  il  les  faut  considerer  avec  la  response  que  Iesus  Christ  leur  fait,  et  en  laquelle  il  les  redargue  et  corrige.  En  premier  lieu  nous  voyons  que  les  hommes  sont  enclins  a  curiosite:  nous  en  avons  l'experience  en  nous-mesmes.  Regardons  si  nous  sommes  addonnez,  comme  il  appartient,  a  nous  enquerir  des  choses  qui  nous  sont  necessaires.  Nenni  :  mais  encores  si  on  nous  les  dit  deux  fois,  il  nous  semble  que  ce  n'est  qu'un  rompement  de  teste.  Et  quand  il  y  aura  une  matiere  difficile,  voire  et  qui  sera  tres  necessaire  d'entendre,  si  on  nous  en  dit  deux  mots,  ii  nous  semble  que  c'est  assez.  Voyla  quelle  est  nostre  inconstance,  que  nous  ne  pouvons  arrester  nostre  esprit  aux  choses  necessaires:  mais  quand  on  nous  conteroit  des  fables,  des  mensonges  et  choses  de  nul  profit,  ho  iamais  nous  ne  serions  las  de  les  escouter,  nous  y  passerions  tout  le  iour.  Encores  en  voudrions-nous  abbreuver  nos  aureilles  toute  la  nuit.  Nous  voyons  donc  que  l'esprit  humain  est  tant  frivole,  qu'il  ne  se  soucie  point  des  choses  qui  sont  necessaires  :  il  appete  les  choses  qui  ne  luy  peuvent  apporter  aucune  utilite,  mais  des  choses  qui  luy  sont  bonnes  et  profitables,  c'est  fait  courvee  (comme  on  dit)  d'en  parler  tant.  Voyci  ou  il  faudroit  bien  employer  toute  nostre  vie,  ascavoir  a  considerer  la  grace  que  Dieu  nous  a  faicte,  de  nous  envoyer  Iesus  Christ  pour  nous  rendre  sages:  car  c'est  une  sagesse  qui  s'estend  par  tout,  et  haut  et  bas  et  de  tous  costez.  C'est  ce  que  S.  Paul  dit  aux  Ephesiens,  quand  il  parle  de  ceste  longueur,  largeur,  hauteur  et  profondeur:  c'est  a