[SEARCH HOME] | [CONTENTS] | [기독교강요 라틴어-영어 문장별 대조본] | [원문칼빈전집안드로이드앱]

IOANNIS CALVINI OPERA QUAE SUPERSUNT OMNIA
volume column dictionary *for dictionary, click or touch the word
[Pre] [Next] [Original Text Jpg]


35:607  607  S  E  R  M  O  N  S  608  Voyla  donc  (en  somme)  ce  que  nous  avons  a  retenir.  Et  ainsi  faisons  nostre  conte,  que  iamais  le  monde  ne  sera  tellement  converti  a  Dieu,  qu'il  n'y  ait  la  plus  part  qui  seront  possedez  de  Satan,  et  qui  demeureront  la  stupides,  et  qui  aimeront  mieux  perir,  que  de  recevoir  le  bien  qui  nous  est  presente.  Et  il  y  en  a  diverses  especes,  comme  nous  avons  dit:  les  uns  seront  stupides,  les  autres  auront  une  fierte  pour  se  mocquer  de  Dieu,  et  une  folle  outrecuidance  pour  condamner  tout  ce  qui  est  contenu  en  l'Evangile:  les  autres  seront  enveloppez  es  solicitudes  de  ce  monde.  Ils  seront  preoccupez  de  ieurs  finesses  et  tromperies,  tellement  qu'ils  ne  gousteront  rien  de  ce  qui  est  du  ciel:  les  autres  seront  abbrutis,  tellement  qu'on  ne  peut  pas  entrer  iusques  en  leur  esprit,  pour  leur  monstrer  nulle  doctrine.  Quand  donc  nous  voyons  tout  cela,  que  nous  facions  nostre  conte,  combien  que  l'Evangile  se  presche,  et  que  la  voix  de  Dieu  resonne  et  retentisse  partout,  neantmoins  que  beaucoup  de  gens  demeureront  tels  qu'ils  estoyent,  et  ne  changeront  point,  et  toute  doctrine  leur  sera  comme  morte.  Voyla  pour  un  item.  Et  ainsi  voyons  nous  le  nombre  des  croyans  estre  petit.  Il  reste  que  pour  cela  nous  ne  soyons  point  desbauchez,  mais  que  plustost  nous  cognoissions  que  Dieu  accomplit  ce  qu'il  a  prononce  de  sa  bouche.  Et  cependant  nous  devons  estre  tant  plus  solicitez  a  nous  recueillir  comme  sous  les  ailes  de  Dieu,  quand  auiourd'huy  tout  le  monde  est  plein  de  malice  et  de  rebellion.  Ii  est  vray  que  nous  devons  craindre,  et  nous  faut  cheminer  en  plus  grande  solicitude.  Car  si  tous  estoyent  bien  disposez  a  servir  Dieu,  nous  aurions  de  tous  les  costez  des  exemples,  qui  seroyent  assez  pour  nous  inciter  a  vaillement  nous  y  employer  de  nostre  coste:  mais  quand  il  est  dit  que  la  plus  part  de  ceux  ausquels  l'Evangile  se  preschera,  seront  comme  des  diables,  et  qu'on  ne  trouvera  par  tout  que  desbauchemens,  tellement  qu'il  semblera  que  le  monde  ait  conspire  de  nous  aliener  plenement  de  Dieu,  alors  nous  avons  bien  occasion  de  cheminer  en  crainte.  Car  si  nous  n'estions  miraculeusement  preservez  de  Dieu,  que  seroit-ce?  Ainsi  donc,  quiconques  voudra  adherer  a  l'Evangile,  qu'il  8'appreste  de  resister  a  tous  scandales,  et  que  quand  il  ne  verra  pas  que  les  autres  facent  leur  devoir,  que  pour  cela  il  ne  soit  destourne:  mais  quand  nous  verrons  tout  le  monde  fouller  au  pied  la  Parolle  de  Dieu,  que  nous  y  soyons  adonnez:  et  non  seulement  cela,  mais  que  d'autant  plus  nous  mettions  peine  de  nous  ranger  a  nostre  Dieu,  quand  nous  verrons  que  les  scandales  et  les  mauvais  exemples  nous  pourroyent  destourner  de  luy:  et  que  nous  demourions  en  l'integrite  ou  Dieu  nous  appelle.  Voyla  donc  ce  que  nous  avons  a  retenir  sur   

[Pre] [Next]


Copyright ⓒ 2018 In Hyuk Lee. All rights reserved. http://blog.naver.com/isaaci