25:607  607  SERMON  I.  608  se  forge  le  veau  d'or,  il  n'est  question  que  de  bastir  des  superstitions  nouvelles:  voire  despitant  le  Dieu,  duquel  il  avoit  tant  experimente  la  vertu  et  la  grace.  Au  reste,  encores  que  la  Loy  soit  donnee,  tant  y  a  que  pour  un  peu  de  temps  le  peuple  tremble  et  fremit,  mesmes  il  est  contraint  de  dire:  Si  Dieu  parle  a  nous,  c'est  faict,  nous  sommes  tous  peris:  et  se  tient  loin  de  la  montagne  (comme  aussi  il  luy  est  commande).  Il  y  a  donc  quelque  reverence,  ce  semble:  mais  l'issue  monstre  qu'il  n'y  a  qu'hypocrisie,  et  cognoist  on  bien  qu'ils  n'estoyent  point  touchez  droitement  en  leur  coeur,  qu'ils  n'avoyent  point  prins  une  racine  vive  pour  profiter  en  la  doctrine.  Nous  voyons  donc  en  somme,  quand  Dieu  a  publie  sa  Loy  pour  le  premier  coup,  qu'elle  a  eu  une  povre  audience  et  bien  maigre,  et  que  le  peuple  n'estoit  pas  encores  dispose  a  se  laisser  ranger  comme  il  appartenoit.  Or  pour  ceste  cause  il  a  falu  que  Dieu  y  retournast,  combien  que  le  peuple  ne  fust  pas  digne  que  Dieu  feist  encores  servir  Moyse  en  cest  office.  Oar  n'estoit-ce  pas  raison  que  ceux  qui  avoyent  ainsi  mesprise  le  Dieu  vivant,  fussent  la  destituez  de  toute  verite:  que  le  diable  en  prinst  possession:  qu'il  les  aveuglast  du  tout,  et  qu'ils  fussent  affamez  de  la  pasture  de  vie:  qu'ils  fussent  empoisonnez  de  toutes  les  faussetez  et  erreurs  de  Sathan?  Il  est  vray  que  le  peuple  estoit  digne  d'un  tel  salaire:  mais  Dieu  n'a  point  eu  esgard  a  ce  que  ces  povres  gens  avoyent  merite:  car  il  a  surmonte  leurs  pechez  par  sa  bonte  infinie,  et  a  continue  mesmes  a  les  enseigner,  combien  qu'ils  se  fussent  monstrez  tant  farrouches  et  rebelles,  et  qu'il  y  eust  eu  de  l'ingratitude  avec  l'obstination,  telle  qu'il  sembloit  qu'il  n'y  eust  nul  moyen  ni  approche  pour  profiter:  si  est-ce  qu'encores  Dieu  usant  de  sa  misericorde,  a  voulu  essayer  si  le  peuple  ne  se  laisseroit  point  reduire.  Et  voila  pourquoy  Moyse  non  seulement  a  publie  la  Loy  en  Horeb:  mais  voyant  la  legerete  et  inconstance  du  peuple,  a  use  quant  et  quant  d'exhortations  vehementes,  et  a  mis  peine,  et  s'est  efforce  en  toutes  facons  de  le  reduire  a  Dieu.  Or  en  la  fin,  Dieu  encores  a  voulu  qu'il  y  eust  un  sommaire  final  de  la  Loy,  et  qu'elle  fust  confermee,  comme  il  est  contenu  en  ce  Livre.  Et  voila  pourquoy  il  est  intitule  Deuteronome,  qui  signifie  autant  que  La  Loy  reiteree.  Non  point  que  Dieu  ait  ici  rien  amene  de  nouveau:  mais  il  a  redargue  le  peuple  de  ceste  malice  que  nous  avons  dit:  monstrant  que  sa  doctrine  avoit  este  mai  observee.  Comme  quand  des  enfans  auront  mal  profite  a,  l'escolle,  qu'ils  seront  de  gros  asniers,  apres  que  ils  auront  este  un  an  sans  advancer,  il  les  faut  retourner  a  FAB  O.  Pourquoy?  Ayans  ouy  le  maistre,  les  voila  ignorans  comme  devant:  qu'au  lieu  d'avoir  comprins  quelque  chose,  on  voit  qu'ils  sont