9:606  est  asses  cognu  en  toute  l'Europe.  Puis  il  se  respond  a  soy-mesme,  que  nul  ne  cognoit  pas  le  vray  Dieu,  sinon  celuy  qui  est  despouille  de  toute  presomption,  et  cerche  son  salut  en  luy.  Ce  qui  est  bien  vray:  mais  ce  n'est  pas  a  propos.  Car  sainct  Paul  en  disant,  Nous  savons  que  l'idole  n'est  rien,  ne  parle  pas  en  sa  personne,  mais  en  celle  des  Corinthiens,  qui  se  couvroyent  de  telle  excuse  comme  d'un  sac  mouille.  Ce  qui  se  void  a  l'oeil  par  le  texte  precedent.  Touchant  des  sacrifices  des  idoles,  dit-il,  nous  savons  que  nous  avons  tous  science:  mais  la  science  -enfle  (1.  Cor.  8,  1):  et  puis  il  adiouste  le  reste.  Il  appert  donc  que  sainct  Paul  reiette  ce  qu'amenoyent  les  Corinthiens  pour  leur  defense,  comme  frivole  et  de  nulle  valeur:  assavoir,  qu'ils  n'estoyent  point  si  bestes  ne  si  sots  d'adorer  une  pierre  ou  une  piece  de  bois,  ou  de  tenir  conte  de  toutes  les  idolatries  des  Payens:  mais  qu'ils  savoyent  tresbien  que  toutes  leurs  superstitions  n'estoyent  qu'illusion  et  vanite.  Voire,  dit  S.  Paul:  mais  cela  ne  suffit  pas.  Car  il  y  en  a  beaucoup  d'ignorans  et  debiles  qui  pensent  que  vous  y  ayes  quelque  devotion:  et  par  ce  moyen  sont  endurcis  en  leur  erreur.  Voyla  pourquoy  il  dit  puis  apres,  Ton  povre  frere  debile  perira-il  sous  ombre  de  ta  science  (ibid.  v.  11)?  Or  il  est  a  noter  que  sainct  Paul  ne  reprend  pas  ici  les  Corinthiens  d'avoir  plie  le  genouil  devant  un  [page  39]marmouzet,  ou  d'y  avoir  apporte  leur  offerte,  ou  d'avoir  baise  le  babouin,  comme  on  dit  :  mais  seulement  de  ce  qu'ils  se  trouvoyent  aux  banquets  solennels,  ou  on  mangeait  la  chair  prinse  des  sacrifices.  Ce  qui  de  soy  eust  este  licite  sans  le  scandale.  Comme  auiourd'huy  ie  pourray  bien  manger  du  pain,  combien  que  les  prestres  ayent  fait  leur  coniuration  sur  le  bled  dont  il  est  fait.  Car  c'est  un  acte  de  soy  indifferent.  Mais  ce  vilain  saute  du  coq  a  l'asne,  en  concluant  que  les  petis  enfans  mesme  voyent  qu'il  n'y  a  pollution  aucune  en  nulle  chose,  mais  en  la  conscience.  Or  pour  nous  faire  a  croire  un  tel  blaspheme,  il  faudroit  qu'il  nous  rendist  du  tout  bestes.  Si  manger  d'une  viande  ce  n'est  point  souillure,  pource  .que  tout  est  cree  de  Dieu,  a  fin  d'en  user  avec  action  de  grace  (1.  Tim.  4,  3),  s'ensuit-il  de  la  qu'il  soit  permis  de  donner  a  un  chien  le  pain  de  la  Cene,  et  eslever  une  idole  pour  faire  semblant  de  l'adorer?  Ie  luy  demande,  s'il  n'y  a  nul  a  renoncer  Dieu  et  Iesus  Christ?  Or  quand  Iesus  Christ  prononce  qu'il  renoncera  devant  son  pere  et  ses  Anges  ceux  qui  l'auront  renonce  devant  les  hommes  (Matth.  LO,  33),  il  n'entend  pas  ceux  qui  auront  voulu  blasphemer  a  leur  escient,  et  de  malice  deliberee,  mais  ceux  qui  auront  flechi  pour  crainte  de  persecution.  H  y  a  donc  des  actes  qui  sont  mauvais  de  leur  nature,  de  quelque  belle  couleur  qu'on  les  farde.