6:606  peut  prendre  ceste  defense,  desia  elle  emporte  ces  blasphemes:  que  le  moyen  que  Dieu  a  ordonne  de  promovoir1)  l'Evangile,  n'est  pas  bon  ny  utile:  que  sa  vertu,  laquelle  il  a  demonstree  iusque  icy,  a  conserver  son  Eglise,  est  defaillie:  qu'au  lieu  d'avancer  sa  parolle,  en  confiance  de  sa  vertu,  il  convient,  d'y  proceder  par  sagesse  humaine.  De  ceste  mesme  source  procedent  toutes  les  cavillations  dont  ilz  usent.  C'est  qu'ilz  ne  se  peuvent  renger  a  donner  ceste  gloire  a  Dieu:  qu'en  le  laissant  gouverner  et  conduire  les  choses,  pour  les  amener  a  bon  poinct,  ilz  facent  sans  contredict  [fol.  20]  ce  qu'il  leur  commande,  sans  se  soucier  de  ce  qui  en  aviendra;  sinon2)  pour  luy  recommander  l'evenement,  afin  qu'il  le  donne  bon.  Voicy  leurs  argumens.  Si  tous  les  fideles  vouloyent  fuyr  l'idolatrie,  que  seroit-ce?  Les  pays  ou  il  y  a  grande  semence  de  Dieu,  demeureroyent  desers.  Ie  respons  que  c'est  a  Dieu  d'y  prouvoir.  Ie  respons  secondement  que  le  partement  d'un  homme  presche  aucunefois  en  plus  grande  efficace,  qu'il  ne  pourroit  pas  faire  de  sa  bouche.  Tiercement  ie  respons,  que  ie  ne  demande  pas  qu'on  s'en  aille.  La  terre  est  au  Seigneur  seulement  qu'on  le  serve  en  pure  conscience  par  tout  ou  on  sera.  Quand  on  ne  pourra  plus  consister3)  en  un  lieu,  faisant  son  devoir:  qu'on  se  recommande  a  luy.  Quartement  ie  respons  que  c'est  follie  a  un  chacun,  de  plaider  ainsi  pour  tous.  Car  nous  savons  que  ce  qui  fut  dict  a  sainct  Pierre,  s'adresse  aussi  bien  a  nous.  Que  te  chaut  il  qu'il  sera  faict  des  autres?  suis  moy  (Iean  21,  22).  Il  est  vray  que  nous  devons  avoir  le  soing  de  noz  prochains:  mais  pour  nous  ayder  mutuellement,  non  par  pour  prendre  occasion  de  nous  retarder  ou  de  reculler.  Finallement  ie  respons  que  de  penser  a  ce  danger,  c'est  penser  de  quel  vin  nous  beuvrons  d'icy  a  mil'  ans.  Car  Dieu  ne  distribue  pas  a  tous  ses  graces  en  mesme  mesure  ny  en  mesme  facon.  Ainsi  c'est  en  vain  qu'ilz  craignent  que  les  pays  ne  demeurassent  desproveuz  de  Chrestiens.  Plus  tost  l'Evangile  fructifieroit  cent  fois  davantage.  Brief  si  ce  poinct  estoit  gaigne  sur  eux,  qu'ilz  ne  s'amusassent  plus  a  leur  maudicte  prudence  charnelle,  nous  serions  tantost  d'accord  ensemble.  [fol.  21]  Ie  n'ay  pas  entreprins  de  refuter  icy  toutes  leurs  obiections.  Car  ie  l'ay  desia  faict  plus  que  suffisamment  au  traicte  dont  ilz  se  complai^nent.  Seulement  i'ay  voulu  toucher  en  passant,  que  c'est  qu'ilz  profitent  a  murmurer  ainsi  contre  Dieu:  afin  qu'ilz  apprenent  de  s'en  deporter,  voyant  que  ce  n'est  qu'empirer  leur  cause  de  plus  en  plus.  Au  reste  ie  les  veux  bien  aussi  avertir,  que  c'est  une  1)  d'avancer  1611.  2)  sinon  .  .  .  .  bon,  manque  dans  le  latin.  3)  subsister  1611  (consistendi).