49:606  les  iours  de  nostre  vie:  et  que  nous  avisions  de  nous  contenter  tellement  de  ce  que  Dieu  nous  donne,  que  nous  prenions  la  tout  nostre  repos  :  et  que  nous  ne  nous  tourmentions  pas  a  nostre  escient:  comme  nous  voyons  que  beaucoup  de  gens  sont  leurs  bourreaux  pour  se  travailler  sans  cesse  et  sans  mesure.  Les  uns  diront,  Et  ie  voudroye  bien  avoir  ceci,  et  ie  voudroye  bien  avoir  cela.  Voire,  mais  cependant  encores  qu'ils  y  mettent  condition,  S'il  plaist  a  Dieu:  si  est-ce  qu'ils  se  desbauchent:  et  en  lieu  qu'ils  pourroyent  suyvre  leur  vocation,  et  s'employer  fidelement  au  service  de  Dieu,  les  voyla  tous  desgoustez  :  et  s'ils  se  vouloyent  contenter  de  ce  que  Dieu  leur  donne,  ils  ne  seroyent  pas  ainsi  refroidis  :  mais  leur  appetit  les  pieque  tousiours.  Nous  voyons  donc  comme  ceux  qui  ont  leurs  souhaits  les  mieux  reglez,  encores  ne  laissent  pas  de  mal-faire  en  cela,  et  d'offenser  Dieu,  et  cependant  se  tormenter  en  vain  et  sans  propos,  quant  a  eux.  Exemple,  voyla  un  homme  qui  sera  en  quelque  condition  moyenne  de  vivre  :  et  bien,  il  faut  qu'il  travaille.  Il  aura  cependant  ses  souhaits,  Et  s'il  m'estoit  possible,  dira-il,  que  i'eusse  ceci  et  cela,  et  ce  seront  choses  contraires  a  son  labeur,  a  sa  facon  de  vivre,  et  a  ce  qui  concerne  la  vocation  de  Dieu.  Il  est  vray  que  puis  apres  il  dira,  Et  bien  si  c'estoit  le  plaisir  de  Dieu,  ie  le  voudroye:  mais  encores  y  a-ii  du  vice  en  son  souhait.  Ii  est  vray  que  c'est  beaucoup  souhaite  quand  les  hommes  peuvent  donter  leurs  appetis  et  y  renoncer  pour  les  assuietir  a  Dieu.  Voyla  encores  une  vertu  grande,  et  qui  est  bien  a  poiser,  quand  ils  se  rangent  finalement  a  telle  conclusion  :  mais  cependant  ce  n'est  pas  a  dire  qu'ils  ne  soyent  coulpables:  Puis  qu'ainsi  est,  que  sera-ce  de  ceux  qui  appetent  avec  une  affection  desbordee,  pour  se  desbaucher?  Or  de  ceux  la  ils  convoitent  a  la  facon  de  ceux  desquels  ici  sainct  Paul.  Il  y  en  a  beaucoup  qui  se  faschent  de  ce  que  Dieu  ne  les  traitte  pas  avec  telles  commoditez  que  leur  chair  voudroit:  ainsi  ils  veulent  servir  a  leurs  aises,  et  ne  pensent  gueres  a  ce  que  dit  saint  Paul,  Mes  freres  (dit-il)  que  vous  ayez  soin  de  vostre  corps,  non  point  pour  satisfaire  a  ses  cupiditez.  Car  iamais  vous  n'en  viendriez  a  bout.  Mais  regardez  a  la  necessite  et  a  l'usage.  Or  il  y  a  beaucoup  de  gens  qui  voudroyent  avoir  toutes  leurs  commoditez.  Ils  regretent  donc,  Ho!  ie  n'ay  point  ceci  et  cela  :  et  la  dessus  ils  concluent,  II  vaut  donc  mieux  tout  quitter,  car  ie  ne  puis  porter  ce  fardeau  ci,  il  m'est  trop  pesant.  Combien  en  voit-on  auiourd'huy  qui  se  desbauchent  ?  non  pas  qu'ils  renoncent  a  l'Evangile  du  premier  coup:  mais  ils  s'en  destournent,  tellement  qu'au  bout  de  l'an  les  voyla  changez,  et  en  la  fin  ils  sont  pires  que  les  autres:  on  les  voit  se  desborder  a  veue  d'oeil,  et  au  lieu  qu'ils  sembloyent  estre  des  petis  Anges,  ils  devienent  41*