9:605  605  A  UN  HOLANDOIS.  606  qu'il  y  ait  quelque  similitude  avec  l'or  et  argent  et  autre  artifice  humain  (Act.  17,  24.  29).  Voyla  donc  une  faussete  trop  vilaine.  Et  de  fait,  si  le  service  exterieur  ne  convenoit  point  a  Dieu,  ce  seroit  en  vain  que  sainct  Paul  defendroit  de  s'aeoupler  sous  un  mesme  joug  avec  les  incredules  (2.  Cor.  6,  14).  Mesme  en  confermant  ceste  sentence,  puis  qu'il  adiouste  ces  mots,  qu'il  n'y  a  nul  accord  entre  le  temple  de  Dieu  et  les  idoles,  et  puis  que  les  fideles  sont  temples  de  Dieu,  qu'ils  doivent  estre  separez  de  toute  pollution,  il  decide  clairement  ceste  matiere.  Car  qu'il  ne  parle  point  de  l'idolatrie  spirituelle,  mais  aussi  exterieure,  il  appert  par  la  conclusion  qu'il  met,  que  les  fideles  se  doivent  purger  de  toute  pollution  tant  de  chair  que  d'esprit  (2.  Cor.  7,  1).  Et  aussi  il  est  tout  notoire  que  les  Corinthiens  n'estoyent  pas  idolatres  en  cuidant  faire  [page  3  7]  service  a  Dieu:  mais  que  pour  complaire  au  monde  ils  se  donnoyent  liberte  de  faire  bonne  mine,  et  d'accompagner  les  Payens  a  leurs  sacrifices.  Bref,  ils  eussent  bien  voulu  iouir  du  privilege  que  se  donne  ce  gaudisseur.  Sainct  Paul  au  contraire  leur  denonce  que  s'ils  souillent  seulement  leurs  corps  en  idolatrie,  ils  ne  sont  pas  dignes  d'estre  reputez  enfans  de  Dieu  (1.  Cor.  5,  l  l  )  ,  comme  en  l'autre  passage  il  les  racle  et  efface  du  reng  de  ceux  qui  doivent  posseder  le  Royaume  des  cieux  (1.  Cor.  6,  9).  Car  on  peut  recueillir  de  toute  la  procedure,  que  les  Corinthiens  n'estoyent  pas  induits  a  idolatrer  par  superstition:  mais  seulement  pour  nourrir  amitie  avec  les  gens  du  monde.  D'alleguer  ce  que  dit  sainct  Paul,  que  tout  est  pur  a  celuy  qui  est  pur  (Tite  1,  15)  :  Item,  que  rien  n'est  souille  de  soy,  sinon  a  celuy  qui  le  pense  ainsi  (Rom.  14,  14),  c'est  bien  tirer  ces  passages  par  les  cheveux.  Car  au  premier  sainct  Paul  remonstre  qu'il  n'y  a  auiourd'huy  nulle  viande  impure,  d'autant  que  nous  sommes  affranchis  de  la  Loy.  Au  second  il  declare  que  ceux  qui  discernent  encores  entre  les  viandes  selon  la  Loy  de  Moyse,  se  privent  du  benefice  de  Dieu,  et  de  la  liberte  qui  leur  est  donnee,  par  leur  propre  scrupule,  qui  procede  d'erreur  et  d'ignorance.  S'ensuit-il  de  cela,  qu'il  n'y  ait  nulle  souilleure  en  celuy  qui  fait  semblant  de  transporter  a  une  idole  la  reverence  qu'il  doit  a  Dieu?  Mais  voyons  un  peu  comment  cest  habile  homme  s'aquitte  a  respondre  a  ces  argumens.  Pour  monstrer  que  sainct  Paul  ne  condamne  point  l'idolatrie  exterieure,  il  recite  ce  qui  est  escrit  en  la  mesme  Epistre:  Touchant  les  oblations  qu'on  fait  [page  38]  aux  idoles,  nous  savons  que  l'idole  n'est  rien  au  monde,  et  qu'il  n'y  a  qu'un  seul  Dieu,  etc.  (1.  Cor.  8,  4)  mais  il  n'y  a  point  science  en  tous.  Ci  dessus  il  fait  ses  fanfares  en  s'escriant:  Voici  merveille,  tous  ne  savent-ils  pas  bien  qu'il  y  a  un  seul  Dieu?  Ie  pense  que  les  Iuifs  l'ont  seu:  et  auiourd'huy  il