8:605  605  MICHAELIS  SERVETI.  606  unum,  qui  Deus  est,  nobis  ex  Dei  essentia  et  humano  halitu  mixtum  fingit.  Deinde  observent  absorptam  doceri  Christi  animam  a  deitate  spiritus.  Postremo  creatam  fuisse  quandam  deitatem,  qua  factum  est  ut  humana  anima  in  Dei  essentiam  transierit,  [pag.  202]  Haec  omnia  suo  more  transsilit  Servetus.  Quin  etiam  ferociter  mihi  succenset,  quia  Dei  gratiam,  sicuti  infusa  est  humanae  Christi  naturae,  nobis  credam  infundi.  Nec  eo  contentus,  magicas  esse  illusiones  adiicit.  Itane  ni  Deus  spiritus  sui  donis  ornare  nequeat  fideles  quin  substantialiter  deos  faciat?1)  Ubi  ergo  erit  illud*  Divisiones  quidem  esse  donorum,  spiritum  vero  unum  esse?  (1.  Cor.  12,  4.)  Spiritum  quidem  suum  effundere  dicitur  Deus  super  homines:  sed  ne  eius  substantiam  Servetico  modo  nobis  uniri  imaginemur,  id  fieri  docet  Paulus  quum  unicuique  distribuitur  gratia  secundum  mensuram  donationis  Christi  (Ephes.  4,  7).  Restat  ut  magicis  praestigiis  illusum  fuisse  Paulum  dicat  Servetus,  eumque  Simonis  discipulis  mecum  annumeret.  Contra  tamen  obiicit,  nos  consortes  esse  divinae  naturae:  nempe  dum  exempti  carnis  nostrae  corruptelis  transformamur  in  Dei  gloriam.  Sed  hoc  minime  obstat  quo  minus  liberaliter  suas  divitias  in  nos  explicet  Deus,  ut  tamen  nos  secum  deos  essentialiter  non  faciat.  Obiicit  rursum,  nos  templum  esse  Dei,  quia  spiritus  eius  habitat  in  nobis.  Quasi  non  potius  inde  liceat  inferre,  non  unam  esse  naturae  nostrae  essentiam  cum  Deo,  si  domicilium  sibi  in  nobis  eligit.  Ipsissima  est  deitas,  secundum  Servetum,  quidquid  in  Christo  fuit  spiritus.  Quasi  non  dicatur  unctus  inter  suos  participes  (Hebr.  1,  9).  Nec  me  latet  Serveto  non  esse  absurdum,  si  dicatur  spiritus  in  animas  nostras  influere,  ut  nos  substantialiter  deificet:  sed  ipsum  nomen  unctionis  satis  declarat  irrigari  nos  divinitus,  ut  qui  natura  sicci  sumus  et  steriles,  sugamus  ab  arcana  spiritus  virtute  precarium  vigorem.  [pag.  203]  Ab  eo  delirio  pendet  quod  29.  cap.  annotavimus.  Fingit  Servetus  partes  et  partitiones  esse  in  Dei  substantia,  ut  in  partitione  spiritus  cuiusque  portio  sit  Deus.  Unde  hoc  illi  figmentum?  Nempe  quia  hoc  modo  pro  multiplici  et  varia  donorum  distributione  spiritus  essentiam  partitur.  Atqui  longe  aliter  scriptura,  quae  Deum  ita  beneficum  esse  definit,  ut  spiritus  sui  dona  effundens  integer  maneat.  Quia  hanc  carnificis  Serveti  sectionem,  vel  ut  magis  proprie  loquar,  lanienam  non  admitto,  criminatur  Deum  a  me  in  angulo  recludi.  Quasi  vero  non  omnia  Dominus  et  virtute2)  et  essentia  sua  implere  possit,  ut  tamen  se  creaturis  1)  Add.  ou  qu'il  ne  soit  un  ioueur  de  passepasse  selon  Servet.  2)  Beza  et  Amst.  male:  ut  virtute.