7:605  605  REFORMANDAE  RATIO.  606  etiam  palam  est,  melioribus  saeculis,  quibus  floruit  religio,1)  vel  ignotum  fuisse  confitendi  [pag.  96]  ritum  vel  non  ita  communiter  receptum  fuisse.  Certe  extra  controversiam  est,  totos  mille  annos  et  supra,  hac  lege  solutas  fuisse  ecclesias,  quam  novi  mediatores  quasi  perpetuam  et  una  cum  evangelio  natam  obtrudunt.  Quod  si  necessaria  est  quam  fingunt  cognitio,  ut  peccata  remittere  nequeat  nisi  qui  audivit:  temeritatis  damnandi  sunt,  non  modo  praestantissimi  quique  veteris  ecclesiae  pastores,  sed  apostoli  ipsi,  adeoque  omnium  magister  et  dominus,  qui  omnes,  quum  morem  confitendi  nescirent,  ligare  tamen  et  solvere  ausi  sunt.  Scio  eiusmodi  homines,  ubi  species  aliqua  utilitatis  se  ostendit,  quidvis  sibi  iubendum  permittere.  Atque  haec  ratio  est,  cur  tantopere  confessionem  urgeant,  quia  mundum  volunt  sibi  obnoxium  facere,  ut  obsequentem  habeant.  2).  Multis  ergo  nominibus  confitendi  ritum  utilissimum  esse  contendunt.  Nempe,  si  reputamus,  quid  privatim  ipsis  expediat.  Quum  tamen  omnia  dixerunt,  nihil  afferunt  magis  speciosum,  quam  quod  impios  cogunt  semel  quotannis  erubescere.  Scilicet,  multum  profectum  est,  quum  apud  nos  plus  hominum  valet  pudor,  quam  Dei  et  angelorum  reverentia.  Et  tamen  hoc  ipsum  esse  falsissimum,  usus,  qui  optimus  est  magister,  docet.  Eo  enim  maiore  peccandi  protervia  lasciviunt,  quia  se  fore  salvos  confidunt,-simul  ac  in  aurem  sacrifici  quidquid  intus  eos  gravat  exoneraverint.s).  Perinde  ac  si  Dei  tribunal  effugerent,  iudicium  hominibus  deferendo.  Denique,  non  secus  ac  ebriosi,  vomendo  ad  novam  crapulam  se  comparant.4)  Quid  autem  ex  adverso  nobis  promptum  esset  obiicere?  Annon  ex  hac  lerna  innumeras  [pag.  97]  malorum  species  prodire  notum  est?  Verum  ut  demus,  esse  verum  quod  postulant,  nihil  tanti  esse  debet,  ut  in  servitutem  redigantur  conscientiae,  prostituatur  Christi  gratia,  opprimatur  fides.  Ut  maxime,  inquam,  expediat,  cogi  ad  confitenda  sua  peccata  homines,  fucum  tamen  facere,  quasi  res  sit  ad  salutem  necessaria,  neque  fas  est,  neque  expedit.  Stringi  enim  talium  legum  vinculis  conscientiae  nequeunt,  quin  strangulentur.  Ergo  omnibus  illis  abruptis,  discamus  solis  gratuitae  misericordiae  promissionibus  omnes  sensus  habere  devinctos.  Similiter,  quum  de  spirituali  conscientiae  foro  agitur,  nulla  satisfactionum  fiat  mentio.  Unica  enim  est  Christi  satisfactio,  quae  non  culpae  tan-  1)  que  la  chrestiente  a  fleuri  et  a  este  en  son  integrite.  2)  comme  s'ilz  avoient  le  pied  sur  la  gorge  de  ceux  qu'ilz  contraignent  a  se  confesser.  3)  si  tost  qu'ilz  auront  desgorge  en  l'aureille  d'un  prestre  ce  qui  leur  charge  l'estomach.  4)  qui  degausillent  pour  tousiours  boire  mieux  que  devant.