6:605  AUX  NICODEMITES.  de  Dieu  au  besoing,  et  d'approuver  nostre  Chrestiente.  Mais  encor  le  pire  est  qu'il  ne  suffist  point  a  d'aucuns,  de  faire  telles  complaintes,  pour  s'exempter  de  la  loy  commune,  que  nostre  Seigneur  impose  a  tous  Chrestiens:  mais  s'arment  de  ces  parolles,  comme  de  blasphemes,  pour  se  rebequer  contre  Dieu.  rappelle  blasphemes  quand  suyvant  leur  prudence  humaine,  ilz  se  persuadent  que  c'est  le  moyen  de  bien  avancer  l'Evangile:  de  participer  a  l'idolatrie  des  papistes,  et  ne  se  point  mettre  en  danger  pour  cela.  Si  les  Apostres  eussent  eu  cette  phantasie:  ie  vous  prie  ou  en  fussions  nous?  Ilz  alleguent  qu'il  est  expedient  d'y  proceder  petit  a  petit.  Ie  leur  confesse.  Et  leur  accorde  qu'il  faut  commencer  par  quelque  bout,  et  faire  le  fondement  devant  que  venir  au  sommet:  semblablement  que  tout  ne  se  peut  faire  ensemble:  et  pourtant  qu'il  convient  y  aller  par  ordre.  Mais  quel  fondement  est-ee  qu'iiz  font,  en  edifiant  par  leur  exemple  une  abomination,  qui  est  si  contraire  a  Dieu:  assavoir  l'idolatrie  manifeste?  L'autre  couverture  semblable  qu'ilz  alleguent,  est  aussi  bien  un  blaspheme  oblique,  avec  ce  qu'il  n'y  a  qu'hypocrisie  et  mensonge.  Nous  dissimulons,  disent  ilz,  et  faisons  beaucoup  de  choses  contre  notre  cueur,  pour  gaigner  noz  prochains  *)  et  susciter  de  iour  en  iour  nouvelle  semence.  Par  ce  moyen  l'Eglise  se  conserve  et  augmente.  Autrement  [fol.  19]  elle  periroit.  Est-ce  l'estime  qu'ilz  ont  de  Dieu,  qu'il  ne  pourroit  confermer2)  son  Eglise,  s'ilz  ne  luy  aidoyent  par  leur  feintise,  laquelle  il  condamne  et  reiette  si  fort?  Quel  honneur  font  ilz  aux  Apostres,  de  dire  que  ce  seroit  gaster  tout,  et  ruiner  l'Eglise,  d'ensuyvre  la  hardiesse  dont  ilz  ont  use,  en  plantant  le  Regno  de  Iesus  Christ?  Et  quand  ainsi  seroit,  qu'ilz  n'auroient  point  honte  d'accuser  les  Apostres  d'imprudence:  que  diront  ilz  de  Tissue3)  que  nostre  Seigneur  a  donnee  a  leur  constance  et  a  l'ardeur  de  leur  zele?  Se  peuvent  ilz  vanter,  d'avoir  iamais  dresse  une  Eglise  de  dix  personnes  en  un  village,4)  avec  leur  si  grand  discretion,  et  sagesse  tant  circonspecte:  au  lieu  que  tout  le  monde  a  este  gaigne  par  la  simple  predication  de  l'Evangile?  Et  puis,  ie  m'en  rapporte  a  leur  conscience,  si  c'est  cela  qui  les  meine:  et  non  plus  tost  la  crainte  qu'ilz  ont  de  leur  peau.  Il  est  plus  que  certain,  que  co  qu'ilz  pretendent  pour  couleur,  est  bien  loing  de  leur  pensee.  Combien  qu'il  ne  me  chaut  pas  beaucoup,  d'insister  en  ce  poinct.  Car  tout  au  mieux  qu'on  1)  quo  lucrifaciamus  multos  Domino  (le  reste  de  la  phrase  est  omis).  2)  conserver  1551  suiv.  (conservare).  3)  successu.  4)  in  urbe  aliqua  aut  pago.