5:605  ACTES  DE  RATISBONNE.  mesmes  le  revenu  des  hospitaux  et  des  escoles  n'est  demeure  a  qui  il  appartenoit,  et  a  ceulx  a  qui  nommement  il  avoit  este  donne.  Car  les  Evesques  et  les  prineipaulx  du  clerge,  qui  avoyent  le  gouvernement  des  biens  ecclesiastiques,  tant  de  ce  que  a  eu  du  commencement  l'Eglise,  que  ce  qui  a  este  depuis  donne,  ou  pour  les  gages  des  ministres,  ou  pour  la  necessite  des  povres,  ont  tout  fourre  en  prebendes,  lesquelles  reviennent  a  ceulx  qui  du  tout  ne  font  nul  service  a  l'Eglise,  ou  font  celuy  qui  est  le  moindre  et  le  moins  utile.  Car  les  chanoines  ne  sont  que  chantres,  et  encores  a  eulx  plus  qu'au  peuple  de  Dieu,  d'aultant  qu'ilz  lisent  et  chantent  en  langue  que  le  peuple  n'entend  point.  Or  cest  office,  encores  qu'il  fust  deuement  exerce,  devoit  estre  pour  les  ieunes  enfans  et  les  plus  petiz  clercs.  Car  au  Concile  de  Romme,  qui  fust  celebre  souhz  S.  Gregoire,  il  est  defendu  sur  peine  d'excommuniement,  que  les  Prestres,  qui  doivent  administrer  la  doctrine  et  les  Sacremens,  ou  les  Diacres,  auxquelz  il  appartient  d'avoir  la  charge  des  aulmosnes,  ne  s'addonnent  a  chanterie.  Quant  a  ceulx  qui  sont  en  office  plus  necessaire,  comme  est  la  charge  des  ames,  ou  qui  se  preparent  pour  y  venir,  on  ne  leur  donne  nulles  prebendes  ou  on  leur  en  donne  de  bien  petites;  et  s'il  y  en  a  quelques  grasses,  par  incorporations  et  aultres  praticques  oblicques,  elles  ont  este  supprimees  et  englouties,  pour  estre  adioinctes  aux  prebendes  de  ceulx,  qui  ne  servent  que  de  chanter,  tellement  quellement.  Mesmes  Ie3  sallaires  n'ont  pas  este  laissez  aux  maistres  d'escolles.  De  la  est  venu,  que  non  seulement  on  ne  trouve  nulz  Ministres  idoynes,  et  ne  regarde  on  point  d'en  former:  mais  aussi  les  escolles  sont  quasi  abolies,  [fol.  114]  d'autant  qu'il  n'y  a  nulz  gaiges  pour  les  lecteurs  et  tant  moins  pour  les  escoiliers.  Or  comment  vivent  telles  manieres  de  gens,  qui  ne  servent  qu'a  chanter  et  baller,  voire  sans  utilite  de  l'Eglise,  et  mesme,  qui  par  leur  chanterie  nuisent  beaucoup,  a  cause  de  la  superstition  qui  y  est,  et  des  folles  et  perverses  oraisons,  qui  ont  este  forgees  par  les  hommes  contre  l'honneur  de  Dieu:  quelles  vies,  dis-ie,  ilz  meinent,  et  en  quelz  usages  ilz  convertissent  leurs  prebendes:  il  est  si  notoire  a  tout  le  monde,  qu'il  n'est  mestier  de  le  reciter:  et  neantmoins  souventesfoys,  les  plus  meschans  ont  les  plus  gras  benefices.  Or  combien  que  la  saincte  Ebcripture,  tous  les  sainctz  Peres,  et  les  Canons  condamnent  pour  un  grand  sacrilege,  si  ce  qui  a  este  dedie  pour  le  ministere,  et  pour  soubvenir  a  la  necessite  des  paovres,  est  tourne  en  quelque  aultre  usage  :  et  par  plus  forte  raison,  si  on  le  consumme  en  pompes  et  superfluitez,  et  choses  encores  plus  villeines:  toutesfoys  si  auiourdhuy  on  retire  quelque  peu  des  biens  ecclesiastiques  de  telz  abuz,  pour  l'appliquer  proprement